- Къралынгы – душмандан, башынгы от бла суудан сакъла.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къар – келтирди, суу – элтди.
- Ата Джуртуму башы болмасам да, босагъасында ташы болайым.
- Билимли ёлмез, билимсиз кёрмез.
- Ашаса, ашамаса да, бёрюню ауузу – къан.
- Биреуге кёлтюрген таягъынг, кесинги башынга урур.
- Мадар болса, къадар болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Бюгюн дуния кибик, тамбла ахыратды.
- Эки ойлашыб, бир сёлешген.
- Кёб джашагъан – кёб билир.
- Терслик кетер, тюзлюк джетер.
- Дуния малгъа сатылма, кесингден телиге къатылма.
- Тойгъанлыкъ къойгъа джарашады.
- Керти сёзге тёре джокъ.
- Къулакъдан эсе, кёзге ышан.
- Джиби бир къат джетмей эди да, эки къат тарта эди.
- Аллахха ийнаннган кишини, Аллах онгдурур ишин.
- Байма, деб да, къууанма, джарлыма, деб да, джылама.
- Хунаны тюбюн къазсанг, юсюнге ауар.
- Аман хансны – урлугъу кёб.
- Джылкъыдан – ат чыгъар, тукъумдан – джаш чыгъар.
- Юйюнгден чыкъдынг – кюнюнгден чыкъдынг.
- Этим кетсе да, сюегим къалыр.
- Ариу сёз джыланны орнундан чыгъарыр.
- Олтуруб кёрюнмей эди да, ёрге туруб кёрюне эди.
- Биреу къой излей, биреу той излей.
- Ёлюр джаннга, ёкюл джокъ.
- Тюкюрюк баш джармаз, налат кёз чыгъармаз!
- Ариу сёзде ауруу джокъ.
- Бозаны арты дауур болур.
- Сескекли кесин билдирир.
- Сибиртки да сыйлы болду, кюрек да кюнлю болду.
- Къарт бла баш аша, джаш бла аякъ аша.
- Ата – билек, ана – джюрек!
- Тил – кесген бычакъ, сёз – атылгъан окъ.
- Акъыллы айтыр эди, акъылсыз къоймайды.
- Ашхы адам – халкъ байлыгъы, ашхы джер – джашау байлыгъы.
- Элге къуллукъ этмеген, элге ие болмаз.
- Къонагъынгы артмагъын алма да, алгъышын ал.
- Башсыз урчукъ тюзюне айланмаз.
- Джан саулукъ бермей, сан саулукъ бермезсе.
- Сёлеш деб шай берген, тохта деб, сом берген.
- Джарлы тюеге минсе да, ит къабар.
- Аман эсирсе, юйюн ояр.
- Ашхылыкъ джерде джатмайды, аманлыкъ суугъа батмайды.
- Бастасын ашагъан, хантусун да ичер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Босагъагъа джууукъ орун болса, ашыгъыб тёрге озма.
Ошибка!
Для просмотра темы введите ваши логин и пароль.Пожалуйста, авторизуйтесь: