- Джумушакъ терекни къурт ашар.
- Эр сокъур болсун, къатын тилсиз болсун.
- Арпа, будай – ащды, алтын, кюмюш а – ташды.
- Адам къыйынлыгъын кёлтюрюр, зауукълугъун кёлтюрмез.
- Джюрекге ариу – кёзге да ариу.
- Чёбню кёлтюрсенг, тюбюнден сёз чыгъар.
- Ёлген ийнек сютлю болур.
- Окъдан джара эртде-кеч болса да бителир, сёз джара, ёмюрге къалыр.
- Ана къолу ачытмаз.
- Бозанг болмагъан джерге, къалагъынгы сукъма.
- Ышармагъан – кюлмез, кюлмеген – къууанчны билмез.
- Билеги кючлю, бирни джыгъар, билими кючлю, мингни джыгъар.
- Адеб джокъда, намыс джокъ.
- Кёлсюзден сёзсюз тууар.
- Сангырау къулакъ эл бузар.
- Башынга джетмегенни сорма.
- Мал кёб болса, джууукъ кёб болур.
- Къулакъдан эсе, кёзге ышан.
- Ёлген аслан – сау чычхан.
- Агъач – джерни чырайы, кийим – эрни чырайы.
- Джаш къарыу бла кючлю, къарт акъыл бла кючлю.
- Бермеген къол, алмайды.
- Чомарт бергенин айтмаз.
- Итли къонакъ джарашмаз.
- Сабыр джетер муратха, сабырсыз къалыр уятха.
- Эски джаугъа ышанма.
- Ариу – кёзге, акъыл – джюрекге.
- Нёгер болсанг, тенг бол, тенг болмасанг, кенг бол.
- Юй кюйдю да, кюйюз чыкъды, ортасындан тюйюш чыкъды.
- Терслик кетер, тюзлюк джетер.
- Адамны адамлыгъы къыйынлыкъда айгъакъланады.
- Азыкълы ат арымаз, къатыны аман джарымаз.
- Хоншуну тауугъу къаз кёрюнюр, келини къыз кёрюнюр.
- Акъыл бла адеб эгизледиле.
- Ишлегенден, къарагъан уста.
- Аманны къуугъан, аманлыкъ табар.
- Ашаса, ашамаса да, бёрюню ауузу – къан.
- Аш кетер да бет къалыр.
- Ауузу бла къуш тута айланады.
- Джарлыны эшигин махтагъан джабар.
- Сютню башын джалагъан къутулур, тюбюн ичген тутулур.
- Ишни аллы бла къууанма да, арты бла къууан.
- Тилчи бир сагъатха айлыкъ хата этер.
- Баргъанынга кёре болур келгенинг.
- Сакъламагъан затынга джолукъсанг, не бек къууанаса, не бек ачыйса.
- Бир онгсуз адам адет чыгъарды, деб эштирик тюлсе.
- Танг атмайма десе да, кюн къоярыкъ тюйюлдю.
- Аман эсирсе, юйюн ояр.
- Суугъа – чабакъ, къаягъа – ыргъакъ.
- Аууз сакълагъан – джан сакълар.
Ошибка!
Для просмотра темы введите ваши логин и пароль.Пожалуйста, авторизуйтесь: