- Чабар ат – джетген къыз.
- Уллу къашыкъ эрин джыртар.
- Ёгюзню мюйюзлери ауурлукъ этмейдиле.
- Ашхы адам – халкъ байлыгъы, ашхы джер – джашау байлыгъы.
- Адам сёзюнден белгили.
- Терслик кетер, тюзлюк джетер.
- Ойнаб айтсанг да, эслеб айт.
- Экиндини кеч къылсанг, чабыб джетер ашхам.
- Тамбла алтындан бюгюн багъыр ашхы.
- Къозулугъунда тоймагъан, къойлугъунда тоймаз.
- Ариуну – ауруу кёб.
- Къарт айтханны этмеген, къартаймаз.
- Айтханы чапыракъдан ётмеген.
- Атынг аманнга чыкъгъандан эсе, джанынг тамагъынгдан чыкъсын.
- Ёнгкюч къууана барыр, джылай келир.
- Иги джашны ышаны – аз сёлешиб, кёб тынгылар.
- Джаралыны джастыгъында сау ёлюр.
- Ата Джуртуму башы болмасам да, босагъасында ташы болайым.
- Иги адам абынса да, джангылмаз.
- Къаллай салам берсенг, аллай джууаб алырса.
- Тилчи бир сагъатха айлыкъ хата этер.
- Къазанда болса, чолпугъа чыгъар.
- Сагъышы джокъ – джукъучу, акъылы джокъ – къаугъачы.
- Къарнынг къанлынга кийирир.
- Аякъларынгы джууургъанынга кёре узат.
- Джылар джаш, атасыны сакъалы бла ойнар.
- Экеу тутушса, биреу джыгъылыр.
- Чарсда алчыны эл кёреди.
- Тай асырагъан, атха минер.
- Акъыллы – эл иеси, тели – эл баласы.
- Джаз бир кюнню джатсанг, къыш талай кюнню абынырса.
- Кёкдеги болмаса, джердегин кёрмейди.
- Аууздан келген, къолдан келсе, ким да патчах болур эди.
- Акъыллы айтыр эди, акъылсыз къоймайды.
- Акъыл къартда, джашда тюйюлдю – башдады.
- Ач – эснер, ат – кишнер.
- Тили узунну, намысы – къысха.
- Кийим тукъум сордурур.
- Суугъа – чабакъ, къаягъа – ыргъакъ.
- Адамны артындан къара сабан сюрме.
- Тилчиден кери бол.
- Накъырда – кертини келечиси.
- Эм ашхы къайын ана мамукъ бла башынгы тешер.
- Мал тутхан – май джалар.
- Урунуу – насыбны анасы.
- Чыкълы кюнде чыкъмагъан, чыкъса къуру кирмеген.
- Аман эсирсе, юйюн ояр.
- Чабакъсыз кёлге къармакъ салгъанлыкъгъа, чабакъ тутмазса.
- Намыс болмагъан джерде, насыб болмаз.
- Нафысынгы айтханын этме, намысынгы айтханын эт.
Ошибка!
Для просмотра темы введите ваши логин и пароль.Пожалуйста, авторизуйтесь: