- Айран ичген – къутулду, джугъусун джалагъан – тутулду.
- Ётюрюкден тюбю джокъ, кёлтюрюрге джиби джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ач къалгъандан, кеч къалгъан къолай.
- Татлы сёз – балдан татлы.
- Арыгъан къош чамчы болур.
- Халкъны джырын джырласанг, халкъ санга эжиу этер.
- Гугук кесини атын айтыб къычыргъанча, мен, мен деб нек тураса?
- Тюзлюк шохлукъну бегитир.
- Ата Джуртун танымагъан, атасын да танымаз.
- Таукел тауну аудурур.
- Ауругъанны сау билмез, ач къарынны токъ билмез.
- Хар сёзню орну барды.
- Тик ёргени, тик энгишгеси да болады.
- Мени джылытмагъан кюн, меннге тиймесин!
- Иесиз малны бёрю ашар.
- Джюрекден джюрекге джол барды.
- Иги – алгъыш этер, аман – къаргъыш этер.
- Сабий болмагъан джерде, мёлек болмаз.
- Чабакъ башындан чирийди.
- Чакъырылмагъан къонакъ – орунсуз.
- Джылкъыдан – ат чыгъар, тукъумдан – джаш чыгъар.
- Ачыкъ джюрекге джол – ачыкъ.
- Кюл тюбюндеги от кёрюнмейди.
- Терслик кетер, тюзлюк джетер.
- Джахил болса анасы, не билликди баласы?
- Экеу тутушса, биреу джыгъылыр.
- Къонакъ аман болса, къонакъбай джунчур
- Адеб этмеген, адеб кёрмез.
- Къошда джокъгъа – юлюш джокъ.
- Къыз тиширыу кеси юйюнде да къонакъды.
- Бети – къучакълар, джюреги – бычакълар.
- Къар – келтирди, суу – элтди.
- Къуру гыбыт бек дыгъырдар.
- Аманны тукъумуна къарама, игини тукъумун сорма.
- Таугъа чыгъаллыкъ эсенг, тюзде къалма.
- Ишлегенден, къарагъан уста.
- Адеби болмагъан къыз – тузсуз хант.
- Къарт болгъан джерде, берекет болур, сабий болгъан джерде, оюн болур.
- Кирсизни – саны таза, халалны – къаны таза.
- Тин – байлыгъынг, терен саулугъунг.
- Ачны эсинде – аш.
- Билим – акъылны чырагъы.
- Термилгенинги табмазса, кюлгенинге тюберсе.
- Къартны бурнун сюрт да, оноугъа тут.
- Джашынгы кесинг юретмесенг, джашау юретир.
- Игиге айтсанг – билир, аманнга айтсанг – кюлюр.
- Босагъа таш юйге кирмей эди, тыбыр таш эшикге чыкъмай эди.
- Айтылгъан буйрукъ, сёгюлмез
- Джыланны къуйругъундан басарынг келсе, аны башы болгъанын унутма.
Ошибка!
Для просмотра темы введите ваши логин и пароль.Пожалуйста, авторизуйтесь: