- Ёгюзню мюйюзлери ауурлукъ этмейдиле.
- Харам къарнашдан, халал тенг ашхы.
- Адамны бетине къарама, адетине къара.
- Чёбню кёлтюрсенг, тюбюнден сёз чыгъар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Соргъан айыб тюлдю, билмеген айыбды.
- Къозулугъунда тоймагъан, къойлугъунда тоймаз.
- Сыфатында болмагъаны, суратында болмаз.
- Ач, тоймам, дейди, тойгъан, ач болмам, дейди.
- Хар ишни да аллы къыйынды.
- Тюзлюк тас болмайды.
- Орну джокъну – сыйы джокъ.
- Гугук кесини атын айтыб къычыргъанча, мен, мен деб нек тураса?
- Байны къызы баймакъ болса да, юйде къалмаз!
- Накъырданы арты керти болур.
- Айраннга суу къош, телиге джол бош.
- Аз айтсам, кёб ангылагъыз.
- Атынг аманнга чыкъгъандан эсе, джанынг тамагъынгдан чыкъсын.
- Сёз садакъдан кючлюдю.
- Эртде тургъан джылкъычыны эркек аты тай табар.
- Ишге юренсин къоллары, халкъ бла болсун джоллары.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джуртун къоругъан озар.
- Тамчы таш тешер.
- Адеби болмагъан къыз – тузсуз хант.
- Къралынгы – душмандан, башынгы от бла суудан сакъла.
- Хансыз джомакъ болмаз.
- Джылар джаш, атасыны сакъалы бла ойнар.
- Аманнга игилик этсенг, юйюнге сау бармазса.
- Адам сёзге тынгыла, акъыл сёзню ангыла.
- Къазанчы аман болса, къазаны къайнамаз.
- Таула не мийик болсала да, аууш табылыр.
- Суу да къайтады чыкъгъан джерине.
- Байлыкъ болгъан джерде, тынчлыкъ джокъду.
- Эки элинги тыйсанг, джети элде махталырса.
- Сакъламагъан затынга джолукъсанг, не бек къууанаса, не бек ачыйса.
- Джарлыны эшигин махтагъан джабар.
- Уллу сёзде уят джокъ.
- Бек анасы джыламаз.
- Босагъа таш юйге кирмей эди, тыбыр таш эшикге чыкъмай эди.
- Кёбге таш атма.
- Бек ашыкъгъан меннге джетсин, дегенди аракъы.
- Ачыкъ джюрекге джол – ачыкъ.
- Къолу уллу – асыу, аягъы уллу – джарсыу.
- Ойнай билмеген, уруб къачар.
- Ётюрюкден тюбю джокъ, кёлтюрюрге джиби джокъ.
- Ашхы тенг джолгъа салыр, аман тенг джолдан тайдырыр.
- Ётюрюкню башын керти кесер.
- Ариу – кёзге, акъыл – джюрекге.
- Этни бети бла шорпасы.
Ошибка!
Для просмотра темы введите ваши логин и пароль.Пожалуйста, авторизуйтесь: