- Къартха ушагъан джаш – акъыллы, джашха ушагъан къарт – тели.
- Ариу сёз – къылычдан джити.
- Айтылгъан сёз ызына къайтмаз.
- Джарлыны тону джаз битер.
- Аллахха ийнаннган кишини, Аллах онгдурур ишин.
- Къонакъ болсанг, ийнакъ бол.
- Сабий кёргенин унутмаз.
- Къонакъ аз олтурур, кёб сынар.
- Эте билген, этген этеди, эте билмеген, юретген этеди!
- Тёрде – темир таякълы, къаяда – чыпчыкъ аякълы.
- Сакъ юйюне сау барыр.
- Сакъалы текени да бар, мыйыгъы киштикни да бар.
- Кесине гебен этелмеген, биреуге черен эте эди.
- Ишин билген, аны сыйын чыгъарады.
- Эртде тургъан бла эртде юйленнген сокъуранмаз.
- Джыланны къуйругъундан басарынг келсе, аны башы болгъанын унутма.
- Билим къая тешер.
- Билмезни кёзю кёрмез, этмезни къулагъы эшитмез.
- Гырджын – тепсини тамадасы.
- Ашхы атаны – джашы ашхы, ашхы ананы – къызы ашхы.
- Къобан да къуру да къобханлай турмайды, адам да къуру да патчахлай турмайды.
- Рысхы – сют юсюнде кёмюк кибикди.
- Итли къонакъ джарашмаз.
- Акъыллы эркиши атын махтар, акъылсыз эркиши къатынын махтар.
- Ёпкелегенни ашы татлы болады.
- Аман къатын алгъан, арыр, иги къатын алгъан джарыр.
- Сакъламагъан затынга джолукъсанг, не бек къууанаса, не бек ачыйса.
- Айтханы чапыракъдан ётмеген.
- Агъач – джерни чырайы, кийим – эрни чырайы.
- Этни да ашады, бетни да ашады.
- Биреуге аманлыкъ этиб, кесинге игилик табмазса.
- Иги болса, тамадама – махтау, аман болса, меннге – айыб.
- Бети къызарыучу адамны, джюреги харам болмаз.
- Адам къыйынлыгъын кёлтюрюр, зауукълугъун кёлтюрмез.
- Эринчекни аурууу – кёб.
- Эки къатын алгъан – эки ташны ортасына башын салгъан.
- Тулпарлыкъ, билекден тюл – джюрекден.
- Кёб къычыргъандан – къоркъма, тынч олтургъандан – къоркъ.
- Танг атмайма десе да, кюн къоярыкъ тюйюлдю.
- Тойгъан джерге джети къайт.
- Кёлю джокъну – джолу джокъ.
- Бетинги сатма, малынгы сат.
- Ач къарынны, токъ билмез
- Башы джабылгъан челекге, кир тюшмез.
- Башынга джетмегенни сорма.
- Къыйынлы джети элге оноу этер.
- Хатерли къул болур.
- Намыс болмагъан джерде, насыб болмаз.
- Ашхылыкъ джерде джатмайды, аманлыкъ суугъа батмайды.
- Байны къызы баймакъ болса да, юйде къалмаз!
Ошибка!
Для просмотра темы введите ваши логин и пароль.Пожалуйста, авторизуйтесь: