- Кийимни бир кюнню аясанг, минг кюннге джарар.
- Хар ишни да аллы къыйынды.
- Айран ичген – къутулду, джугъусун джалагъан – тутулду.
- Ашхы адам – халкъ байлыгъы, ашхы джер – джашау байлыгъы.
- Сабий кёргенин унутмаз.
- Аманнга да, игиге да оноусуз къатышма.
- Бет бетге къараса, бет да джерге къарар.
- Абынмазлыкъ аякъ джокъ, джангылмазлыкъ джаякъ джокъ.
- Танг атмайма десе да, кюн къоярыкъ тюйюлдю.
- Келинин тута билмеген, къул этер, къызын тута билмеген, тул этер.
- Уллу суу бла уллу ауруудан башынгы сакъла.
- Аякъларынгы джууургъанынга кёре узат.
- Ач отунчуну ачыуу – бурнунда.
- Ауругъаннга – кийик саулукъ, джетген къызгъа – чилле джаулукъ.
- Эркиши – от, тиширыу – суу.
- Нёгерсизни джолу узун.
- Баш – акъыл ючюн, акъылман – халкъ ючюн.
- Юреннген ауруу къалмаз.
- Джангызны оту джарыкъ джанмаз!
- Тыш элде солтан болгъандан эсе, кесинги элде олтан болгъан игиди!
- Босагъагъа джууукъ орун болса, ашыгъыб тёрге озма.
- Ёзденликни джайгъан – джокълукъ.
- Ачылгъан эт джабылыр, кёрген кёз унутмаз.
- Намыс болмагъан джерде, насыб болмаз.
- Айтханы чапыракъдан ётмеген.
- Оюмсуз атлагъан, аджалсыз ёлюр.
- Кёзю сокъурдан – къоркъма, кёлю сокъурдан – къоркъ.
- Къарнынг къанлынга кийирир.
- Накъырданы арты керти болур.
- Ашхы – джыяр, аман – джояр.
- Алма терегинден кери кетмез.
- Къонагъынгы артмагъын алма да, алгъышын ал.
- Гыдай эчки суугъа къараб, мюйюзле кёрмесе, джашма алкъын, дегенди.
- Джылкъыдан – ат чыгъар, тукъумдан – джаш чыгъар.
- Мураты болгъанны джюрек тебюую башхады.
- Кёзюнде тереги болгъан, чёбю болгъаннга кюле эди.
- Къонакъ аз олтурур, кёб сынар.
- Намыс сатылыб алынмайды.
- Айтхан – тынч, этген – къыйын.
- Тели турса – той бузар.
- Кёлю джокъну – джолу джокъ.
- Джаралыны джастыгъында сау ёлюр.
- Джырына кёре эжиую.
- Ач къарным, тынч къулагъым.
- Таугъа чыгъаллыкъ эсенг, тюзде къалма.
- Босагъа таш юйге кирмей эди, тыбыр таш эшикге чыкъмай эди.
- Ашын ашагъанынгы, башын да сыйла.
- Аманнга игилик этсенг, юйюнге сау бармазса.
- Сибиртки да сыйлы болду, кюрек да кюнлю болду.
- Билмейме деген – бир сёз
Ошибка!
Для просмотра темы введите ваши логин и пароль.Пожалуйста, авторизуйтесь: