- Кёб джат да, бек чаб.
- Джыйырма къойну юч джыйырма эбзе кюте эди.
- Кёпюр салгъан кеси ётер, уру къазгъан кеси кетер.
- Кёкдеги болмаса, джердегин кёрмейди.
- Дуния мал дунияда къалады.
- Ашыкъгъанны этеги бутуна чырмалыр.
- Ата Джуртча джер болмаз, туугъан элча эл болмаз.
- Аллахха ийнаннган кишини, Аллах онгдурур ишин.
- Аманнга игилик этсенг, юйюнге сау бармазса.
- Чыкълы кюнде чыкъмагъан, чыкъса къуру кирмеген.
- Тилсиз миллет джокъ болур.
- Къызбайны юйюне дери сюрсенг, батыр болур.
- Кечеси – аяз, кюню – къыш, джарлы къаргъагъа бир аш тюш!
- Айтхан сёзюне табылгъан.
- Берекет берсин деген джерде, берекет болур.
- Джырчы ёлсе, джыры къалыр.
- Аш кетер да бет къалыр.
- Келгинчи, къонакъ уялыр, келгенден сора, къонакъбай уялыр.
- Къартны сыйын кёрмеген, къартлыгъында сыйлы болмаз.
- Кёз – сюйген джерде, къол – ауругъан джерде.
- Бюгюн дуния кибик, тамбла ахыратды.
- Эринчекни эр алмаз, эр алса да, кёл салмаз, кёл салса да, кёб бармаз!
- Хар ишни да аллы къыйынды.
- Кёрмегеннге кебек – танг, битмегеннге сакъал – танг.
- Кийимни бир кюнню аясанг, минг кюннге джарар.
- Мухар, кеси тойса да, кёзю тоймаз.
- Тойчу джашха къарама, къойчу джашха къара.
- Чабакъ башындан чирийди.
- От этилмеген джерден тютюн чыкъмайды.
- Рысхы – насыбха къор.
- Къыз чыгъаргъан – къызыл къымжа.
- Джети тилни билген джети кишиди.
- Кесине гебен этелмеген, биреуге черен эте эди.
- Сескекли кесин билдирир.
- Адеби болмагъан къыз – тузсуз хант.
- Зар адам ашынгы ашар, кесинги сатар.
- Кимни – тили, тиши онглу, кимни – къолу, иши онглу.
- Иги – алгъыш этер, аман – къаргъыш этер.
- Ишленмеген джаш – джюгенсиз ат, ишленмеген къыз – тузсуз хант.
- Экеу тутушса, биреу джыгъылыр.
- Мал тутхан – май джалар.
- Хазыр ашха – терен къашыкъ.
- Къолу уллу – асыу, аягъы уллу – джарсыу.
- Телиге от эт десенг, юйюнге от салыр.
- Ариу – кёзге, акъыл – джюрекге.
- Билим ат болуб да чабар, къуш болуб да учар.
- Суу ичген шауданынга тюкюрме.
- Ёлген ийнек сютлю болур.
- Айран ичген – къутулду, джугъусун джалагъан – тутулду.
- Таугъа чыгъаллыкъ эсенг, тюзде къалма.
Ошибка!
Для просмотра темы введите ваши логин и пароль.Пожалуйста, авторизуйтесь: