- Бермеген къол, алмайды.
- Аманнга игилик этсенг, юйюнге сау бармазса.
- Суугъа – чабакъ, къаягъа – ыргъакъ.
- Экеу тутушса, биреу джыгъылыр.
- Эл бла кёргенинг эрелей.
- Халкъгъа джарагъан, джарлы къалмаз.
- Окъдан джара эртде-кеч болса да бителир, сёз джара, ёмюрге къалыр.
- Терек ауса, отунчу – кёб.
- Ётюрюкден тюбю джокъ, кёлтюрюрге джиби джокъ.
- Ачыкъ джюрекге джол – ачыкъ.
- Баш – акъыл ючюн, акъылман – халкъ ючюн.
- Ач бёрюге мекям джокъ.
- Ойнай билмеген, оюн бузар.
- Джылыгъа джылан илешир.
- Алма терегинден кери кетмез.
- Джарлы джети элни сёзюн этер.
- Хата – гитчеден.
- Айтылгъан буйрукъ, сёгюлмез
- Бойнуму джети джерден кессенг да, мен ол ишни этеллик тюлме.
- Чёбню кёлтюрсенг, тюбюнден сёз чыгъар.
- Алтыннга тот къонмаз.
- Ёлген эшек бёрюден къоркъмайды.
- Суугъа – таянма, джаугъа – ийнанма.
- Бал чибинни ургъаны – ачы, балы – татлы.
- Гыдай эчки суугъа къараб, мюйюзле кёрмесе, джашма алкъын, дегенди.
- Чакъырылмагъан къонакъ – орунсуз.
- Насыблы элин сюер, насыбсыз кесин сюер.
- Таякъ этден ётер, тил сюекден ётер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Атадан ёксюз – бир ёксюз, анадан ёксюз – эки ёксюз.
- Аллахха ийнаннган кишини, Аллах онгдурур ишин.
- Оюмсуз атлагъан, аджалсыз ёлюр.
- Къонакъ болсанг, ийнакъ бол.
- Кёзден кетген, кёлден да кетеди.
- Билмейме деген – бир сёз
- Баланы адам этген анады.
- Акъыл къартда, джашда тюйюлдю – башдады.
- Экеулен сёлеше тура эселе, орталарына барыб кирме.
- Къайтырыкъ эшигинги, къаты уруб чыкъма.
- Тойгъан джерден туугъан джер игиди.
- Биреуню эскиси биреуге джангы болмайды.
- Ариу – кёзге, акъыл – джюрекге.
- Къумурсхала джыйылсала, пилни да джыгъадыла.
- Керек ташны ауурлугъу джокъ.
- Эллинг бла джау болсанг да, юйюнг бла джау болма.
- Игини сыйлагъан адетди.
- Акъыл сабырлыкъ берир.
- Малны кют, джерни тюрт.
- Иги адамны бир сёзю эки болмаз.
- Окъугъанны бети джарыкъ.
Ошибка!
Для просмотра темы введите ваши логин и пароль.Пожалуйста, авторизуйтесь: