- Игини сыйлагъан адетди.
- Рысхысына кёре, джаш ёсер, къышлыгъына кёре, мал ёсер.
- Нарт сёз къарт болмаз.
- Ойнай билмеген, оюн бузар.
- Узун джолну барсанг, бюгюн келирсе, къысха джолну барсанг, тамбла келирсе.
- «Ма», - дегенни билмесенг, «бер», - дегенни билмезсе.
- Чыкълы кюнде чыкъмагъан, чыкъса къуру кирмеген.
- Эки къатын алгъанны къулагъы тынгнгаймаз.
- Зар адам ашынгы ашар, кесинги сатар.
- Кёкдеги болмаса, джердегин кёрмейди.
- Рысхы – насыбха къор.
- Ат да турмайды бир териде.
- Телиге от эт десенг, юйюнге от салыр.
- Сакъ юйюне сау барыр.
- Аууз сакълагъан – джан сакълар.
- Баланы адам этген анады.
- Тёзгеннге, джабылгъан эшик ачылыр.
- Бал – татлы, балдан да бала – татлы.
- Хар ишни да аллы къыйынды.
- Керилген да, ургъан кибикди.
- Ётюрюкню башын керти кесер.
- Ариу – кёзге, акъыл – джюрекге.
- Къыз келсе, джумуш эте келеди, къатын келсе, ушакъ эте келеди.
- Шапа кёб болса, аш татымсыз болур.
- Арпа, будай – ащды, алтын, кюмюш а – ташды.
- Оюмсуз атлагъан, аджалсыз ёлюр.
- Аман хансны – урлугъу кёб.
- Къоркъакъны кёзю экили кёрюр.
- Кёб къычыргъандан – къоркъма, тынч олтургъандан – къоркъ.
- Юй кюйдю да, кюйюз чыкъды, ортасындан тюйюш чыкъды.
- Башы ишлегенни, ауузу да ишлер.
- Зарда марда джокъ.
- Хар адамгъа кеси миннген тау кибик.
- Терек ауса, отунчу – кёб.
- Гугук кесини атын айтыб къычыргъанча, мен, мен деб нек тураса?
- Босагъа таш юйге кирмей эди, тыбыр таш эшикге чыкъмай эди.
- Кийимни бир кюнню аясанг, минг кюннге джарар.
- Тил бла келеди джыр да.
- Байлыкъ келсе, акъыл кетер.
- Аллахдан тилесенг, кёб тиле.
- Биреуню къыйынлыгъы бла кесинге джол ишлеме.
- Эки итни арасына сюек атма, эки адамны арасында сёз чыгъарма.
- Керти сёзге тёре джокъ.
- Тин – байлыгъынг, терен саулугъунг.
- Айтхан сёзюне табылгъан.
- Чарсда алчыны эл кёреди.
- Къызгъанчдан ычхыныр, мухардан ычхынмаз.
- Адам туугъан джеринде, ит тойгъан джеринде.
- Сибиртки да сыйлы болду, кюрек да кюнлю болду.
- Ёгюзню мюйюзюнден тутадыла, адамны сёзюнден тутадыла.
Ошибка!
Для просмотра темы введите ваши логин и пароль.Пожалуйста, авторизуйтесь: