- Алгъанда – джууукъ, бергенде – джау.
- Керилген да, ургъан кибикди.
- Эллинг бла джау болсанг да, юйюнг бла джау болма.
- Айтхан сёзюне табылгъан.
- Ёлмесенг да, къарт дамы болмазса?
- Тели турса – той бузар.
- Къатыны харакетли болса, эри къымсыз болур.
- Къызгъанчдан ычхыныр, мухардан ычхынмаз.
- Сакъалы текени да бар, мыйыгъы киштикни да бар.
- Джарлы эскисин джамаса, къууаныр.
- Ашхы – джыяр, аман – джояр.
- Сескекли кесин билдирир.
- Къыз чыгъаргъан – къызыл къымжа.
- Аджашхан тёгерек айланыр.
- Джюрекге ариу – кёзге да ариу.
- Айырылгъанланы айю ашар, бёлюннгенлени бёрю ашар.
- Телиге акъыл салгъандан эсе, ёлгеннге джан салырса.
- Эл тойса, тоймагъан, эл къойса, къоймагъан.
- Тамырсыз терекге таянма – джыгъылырса.
- Къарнынг ауруса, ауузунгу тый
- Джол бла сёзню къыйыры джокъ.
- Адамгъа аман кюн соруб келмейди.
- Зар адамны насыбы болмаз.
- Ётген ёмюр – акъгъан суу.
- Кийиминг бла танылма, адамлыкъ бла таныл.
- Дуния малгъа сатылма, кесингден телиге къатылма.
- Кийим тукъум сордурур.
- Ашатыргъа иш – ашхы, ишлетирге аш – ашхы.
- Эки ойлашыб, бир сёлешген.
- Кёзю сокъурдан – къоркъма, кёлю сокъурдан – къоркъ.
- Кийимни бир кюнню аясанг, минг кюннге джарар.
- Кечеси – аяз, кюню – къыш, джарлы къаргъагъа бир аш тюш!
- Ётюрюкчюню шагъаты – къатында.
- Айраннга суу къош, телиге джол бош.
- «Ёгюз, джаргъа джууукъ барма, меннге джюк боллукъса», - дегенди эшек.
- Аш берме да, къаш бер.
- Къая джолда джортма, ачыкъ сёзден къоркъма.
- Ёзденликни кёбю ётюрюк.
- Эринчекни эр алмаз, эр алса да, кёл салмаз, кёл салса да, кёб бармаз!
- Ачыу алгъа келсе, акъыл артха къалады.
- Кюн кёрмеген, кюн кёрсе, кюндюз чыракъ джандырыр.
- Гитче джилтин уллу элни джандырыр.
- Айырылмаз джууугъунга, унутмаз сёзню айтма.
- Акъыллы башны – тили къысха.
- Чабакъгъа акъыл, табагъа тюшсе келеди.
- Къуру гыбыт бек дыгъырдар.
- Ойнай-ойнай кёз чыгъар.
- Сакъ юйюне сау барыр.
- Эки къатын алгъан – эки ташны ортасына башын салгъан.
- Ариу сёз – джаннга азыкъ, аман сёз – башха къазыкъ.
Ошибка!
Для просмотра темы введите ваши логин и пароль.Пожалуйста, авторизуйтесь: