- Битмегеннге сакъал – танг.
- Кёлю джокъну – джолу джокъ.
- Къатын къылыкъсыз, эр тынчлыкъсыз.
- Кёкдеги болмаса, джердегин кёрмейди.
- Тёрде – темир таякълы, къаяда – чыпчыкъ аякълы.
- Кёбню кёрген – кёб билир.
- Джырына кёре эжиую.
- Аман адамны тепсинге олтуртсанг, къызынгы тилер.
- Аманнга алтын чыдамаз.
- Биреу ашаб къутулур, биреу джалаб тутулур.
- Тойгъан джерге джети къайт.
- Джарашыу сюйген – джалынчакъ.
- Элиб деген, элге болушур.
- Къайтырыкъ эшигинги, къаты уруб чыкъма.
- Юй ишлеген балта эшикде къалыр.
- Окъугъан озар, окъумагъан тозар.
- Ач келгенни – тойдур, кеч келгенни – къондур.
- Аманны къуугъан, аманлыкъ табар.
- Арпа, будай – ащды, алтын, кюмюш а – ташды.
- Къонакъ болсанг, ийнакъ бол.
- Акъыллы айтыр эди, акъылсыз къоймайды.
- Джаз бир кюнню джатсанг, къыш талай кюнню абынырса.
- Халкъгъа джарагъан, джарлы къалмаз.
- Ачлыкъда тары гырджын халыуадан татлы.
- Суу да къайтады чыкъгъан джерине.
- Джолда аягъынга сакъ бол, ушакъда тилинге сакъ бол.
- Ёлюр джаннга, ёкюл джокъ.
- Тойгъа алгъа да барма, тойда артха да къалма.
- Зар адам ашынгы ашар, кесинги сатар.
- Билими азны – ауузунда кирит.
- Сабий болмагъан джерде, мёлек болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ёнгкюч къууана барыр, джылай келир.
- Мухардан ач ычхынмаз.
- Ишлегенде эринме, ишде чолакъ кёрюнме.
- Элде адам къалмаса, ит тахтагъа минер.
- Айтхан сёзюне табылгъан.
- Кюн кёрмеген, кюн кёрсе, кюндюз чыракъ джандырыр.
- Эркишини аманы тиширыуну джылатыр.
- Къан бла кирген, джан бла чыгъар.
- Билгенни къолу къарны джандырыр.
- Ауругъан – джашаудан умутчу.
- Къазанны башы ачыкъ болса, итге уят керекди.
- Насыб бютеу халкъны юлюшюдю.
- Ата – билек, ана – джюрек!
- Ёгюзню мюйюзюнден тутадыла, адамны сёзюнден тутадыла.
- Ханы къызы буюгъа-буюгъа киштик болду.
- Ачны эсинде – аш.
- Арбаз сайлама да, хоншу сайла.
- Аджаллыгъа окъсуз шкок атылыр.
Ошибка!
Для просмотра темы введите ваши логин и пароль.Пожалуйста, авторизуйтесь: