- Джюрекден джюрекге джол барды.
- Къазанчы аман болса, къазаны къайнамаз.
- Алим болгъандан эсе, адам болгъан къыйынды.
- Таукел тауну аудурур.
- Кийим тукъум сордурур.
- Чомартны къолун джокълукъ байлар.
- Къазанны башы ачыкъ болса, итге уят керекди.
- Келгинчи, къонакъ уялыр, келгенден сора, къонакъбай уялыр.
- Ойнай билмеген, оюн бузар.
- Аманнга игилик этсенг, юйюнге сау бармазса.
- Джырчы джырчыгъа – къарнаш.
- Aдам боллукъ, сыфатындан белгили.
- Чомартха хар кюн да байрамды.
- Адам сёзюнден белгили.
- Къууут – джелге, берне – бошха.
- Ашхы сёз таш тешер.
- Айырылгъанланы айю ашар, бёлюннгенлени бёрю ашар.
- Иги адамны бир сёзю эки болмаз.
- Эки къатын алгъан – эки ташны ортасына башын салгъан.
- Къартха ушагъан джаш – акъыллы, джашха ушагъан къарт – тели.
- Къарт болгъан джерде, берекет болур, сабий болгъан джерде, оюн болур.
- Чомарт къонакъ юй иесин сыйлар.
- Кечеси – аяз, кюню – къыш, джарлы къаргъагъа бир аш тюш!
- Кёл ашады да, кеси ашады.
- Ишленмеклик адамлыкъды.
- Ёксюзню къалачы уллу кёрюнюр.
- Татлы тилде – сёз ариу, чемер къолда – иш ариу.
- Башынга джетмегенни сорма.
- Сабыр джетер муратха, сабырсыз къалыр уятха.
- Юйлю уругъа ит чабмаз.
- Эм ашхы къайын ана мамукъ бла башынгы тешер.
- Ашыкъгъан cуу, тенгизге джетмез.
- Арыгъан къош чамчы болур.
- Кесине оноу эте билмеген, халкъына да эте билмез.
- Окъдан джара эртде-кеч болса да бителир, сёз джара, ёмюрге къалыр.
- Мал кёб болса, джууукъ кёб болур.
- Бетинги сатма, малынгы сат.
- Джигер – джаннга къыйынлыкъ.
- Ханнга да келеди хариблик.
- Дуния аламаты сен эсенг да, игиме деб айтма.
- Аджашханны ызындагъы кёреди, джангылгъанны джанындагъы биледи.
- Къулакъдан эсе, кёзге ышан.
- Аллахха ийнаннган кишини, Аллах онгдурур ишин.
- «Ёгюз, джаргъа джууукъ барма, меннге джюк боллукъса», - дегенди эшек.
- Ариу сёз – къылычдан джити.
- Тойгъан джерге джети къайт.
- Кесине гебен этелмеген, биреуге черен эте эди.
- Тойгъанлыкъ къойгъа джарашады.
- Ариу сёзде ауруу джокъ.
- Адамны аманы адамны бети бла ойнар.
Ошибка!
Для просмотра темы введите ваши логин и пароль.Пожалуйста, авторизуйтесь: