- Айран тёгюлсе, джугъусу къалыр.
- Къууут – джелге, берне – бошха.
- Бойнуму джети джерден кессенг да, мен ол ишни этеллик тюлме.
- Ёзденликни джайгъан – джокълукъ.
- Зарда марда джокъ.
- Эки къатын алгъан – эки ташны ортасына башын салгъан.
- Ашхылыкъ джерде джатмайды, аманлыкъ суугъа батмайды.
- Окъдан джара эртде-кеч болса да бителир, сёз джара, ёмюрге къалыр.
- Аман адамны тепсинге олтуртсанг, къызынгы тилер.
- Эм уллу байлыкъ – джан саулукъ.
- Кийимни бир кюнню аясанг, минг кюннге джарар.
- Дженгил джетерикме деб, узун джолну къоюб, къысхасын барма.
- Аман адам элни бир-бирине джау этер.
- Кёб джашагъан – кёб билир.
- Эки элинги тыйсанг, джети элде махталырса.
- Сёз къанатсыз учар.
- Аджашханны ызындагъы кёреди, джангылгъанны джанындагъы биледи.
- Къалгъан ишге къар джауар.
- Ашхы атаны – джашы ашхы, ашхы ананы – къызы ашхы.
- Суугъа – таянма, джаугъа – ийнанма.
- Аман къатын алгъан, арыр, иги къатын алгъан джарыр.
- Абынмазлыкъ аякъ джокъ, джангылмазлыкъ джаякъ джокъ.
- Бермеген къол, алмайды.
- Бети къызарыучу адамны, джюреги харам болмаз.
- Къызгъанчдан ычхыныр, мухардан ычхынмаз.
- Таукел тауну аудурур.
- Къарын къуру болса, джюрек уру болур.
- Джашлыкъ этмеген, башлыкъ этмез.
- Тил – миллетни джаны.
- Арбаз сайлама да, хоншу сайла.
- Джигер – джаннга къыйынлыкъ.
- Ариуну – ауруу кёб.
- Къартны сыйын кёрмеген, къартлыгъында сыйлы болмаз.
- Эли джокъну – кёлю джокъ.
- Эр абынмай, эл танымаз.
- Ата – баланы уясы.
- Окъугъан – асыу, окъумагъан – джарсыу.
- Сескекли кесин билдирир.
- Ач – эснер, ат – кишнер.
- Бал чибинни ургъаны – ачы, балы – татлы.
- Аууздан келген, къолдан келсе, ким да патчах болур эди.
- Тюзлюк тас болмайды.
- Бюгюн дуния кибик, тамбла ахыратды.
- Ауругъанны сау билмез, ач къарынны токъ билмез.
- Башы ишлегенни, ауузу да ишлер.
- Соргъан айыб тюлдю, билмеген айыбды.
- Кесине оноу эте билмеген, халкъына да эте билмез.
- Акъыл аздырмаз, билим тоздурмаз.
- Джарлы джети элни сёзюн этер.
- Аджалсыз ёлюм болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: