- Ойнай билмеген, оюн бузар.
- Айтхан сёзюне табылгъан.
- Ашхы атаны – джашы ашхы, ашхы ананы – къызы ашхы.
- Джангызны оту джарыкъ джанмаз!
- Ашда уялгъан – мухар, ишде уялгъан – хомух.
- Сакъалы текени да бар, мыйыгъы киштикни да бар.
- Иги сёз – джаннга азыкъ, аман сёз башха – къазыкъ.
- Ишленмеген джаш – джюгенсиз ат, ишленмеген къыз – тузсуз хант.
- Бермеген къол, алмайды.
- Къонагъынгы артмагъын алма да, алгъышын ал.
- Байлыкъ тауусулур, билим тауусулмаз.
- Ичимден чыкъды хата, къайры барайым сата?
- Кюл тюбюндеги от кёрюнмейди.
- Ёксюзню тилеги къабыл болур.
- Ишлегенде эринме, ишде чолакъ кёрюнме.
- Ашарыкъда сайлагъаннга – чий гырджын.
- Мухарны эси – ашарыкъда.
- Бети бедерден, намыс сакълама.
- Ауузу аманнга «иги», деме.
- Къызын тута билмеген, тул этер, джашын тута билмеген, къул этер.
- Тенги кёбню джау алмаз, акъылы кёбню дау алмаз.
- Билим – акъылны чырагъы.
- Юй ишлеген балта эшикде къалыр.
- Накъырда – кертини келечиси.
- Эринчекге кюн узун.
- Этим кетсе да, сюегим къалыр.
- Аманны тукъумуна къарама, игини тукъумун сорма.
- Джангыз терек къынгыр ёсер.
- Чомарт бергенин айтмаз.
- Биреуню эскиси биреуге джангы болмайды.
- Гырджын – тепсини тамадасы.
- Дууулдаса – бал чибин, къонса – къара чибин.
- Таукел тауну аудурур.
- Къатын байлыкъны сюер, эр саулукъну сюер.
- Къанны къан бла джуума, аманны аман бла къуума.
- Уллу къашыкъ эрин джыртар.
- Джыйырма къойну юч джыйырма эбзе кюте эди.
- Баш болса, бёрк табылыр.
- Ишни аллы бла къууанма да, арты бла къууан.
- Акъыл бла адеб эгизледиле.
- Джюрекге ариу – кёзге да ариу.
- Бет бетге къараса, бет да джерге къарар.
- Иги болса, тамадама – махтау, аман болса, меннге – айыб.
- Ашатыргъа иш – ашхы, ишлетирге аш – ашхы.
- Сабыр джетер муратха, сабырсыз къалыр уятха.
- Чакъырылмагъан къонакъ къачан кетерин сормаз.
- Ханы къызы буюгъа-буюгъа киштик болду.
- Джеринден айырылгъан – джети джылар, джуртундан айырылгъан – ёлгюнчю джылар.
- Сибиртки да сыйлы болду, кюрек да кюнлю болду.
- Тау башында, тау болмаз, джангыз терек, бау болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: