- Билимсиз иш бармаз.
- Суу кетер, таш къалыр.
- Джолда аягъынга сакъ бол, ушакъда тилинге сакъ бол.
- Таугъа чыгъаллыкъ эсенг, тюзде къалма.
- Ашхылыкъ джерде джатмайды, аманлыкъ суугъа батмайды.
- Керилген да, ургъан кибикди.
- Чабар ат – джетген къыз.
- Кёбню кёрген – кёб билир.
- Къолу уллу – асыу, аягъы уллу – джарсыу.
- Тойгъа барсанг, тоюб бар, эски тонунгу къоюб бар.
- Ойнаб айтсанг да, эслеб айт.
- Таукел къуру къалмаз.
- Тил – миллетни джаны.
- Ана кёлю – балада, бала кёлю – талада.
- Джиби бир къат джетмей эди да, эки къат тарта эди.
- Битмегеннге сакъал – танг.
- Орундукъ тюбюнде атылсам да, орта джиликме, де да айлан.
- Къонакъ аман болса, къонакъбай джунчур
- Баш – акъыл ючюн, акъылман – халкъ ючюн.
- Кёз – сюйген джерде, къол – ауругъан джерде.
- Ашатыргъа иш – ашхы, ишлетирге аш – ашхы.
- Кюл тюбюндеги от кёрюнмейди.
- Абынмазлыкъ аякъ джокъ, джангылмазлыкъ джаякъ джокъ.
- Иесиз малны бёрю ашар.
- Ачны эсинде – аш.
- Малны кют, джерни тюрт.
- Кёб джат да, бек чаб.
- Чомарт джарлы болмаз.
- Билмейме деген – бир сёз
- Уллу сёлешме да, уллу къаб.
- Джюрек кёзден алгъа кёрюр.
- Аманнга да, игиге да оноусуз къатышма.
- Уруну арты – къуру.
- Адеб базарда сатылмаз.
- Эртде тургъан бла эртде юйленнген сокъуранмаз.
- Баланы адам этген анады.
- Аман адам элни бир-бирине джау этер.
- Сабыр джетер муратха, сабырсыз къалыр уятха.
- Шайтан алдады, тюзлюк къаргъады.
- Чомартха хар кюн да байрамды.
- Чомартны къолу берекет.
- Ат басханны джер билед.
- Туз, гырджын аша, тюзлюк бла джаша.
- Биреу ашаб къутулур, биреу джалаб тутулур.
- Къонагъы джокъну – шоху джокъ.
- Ишни ахырын ойламай, аллын башлама.
- Байма, деб да, къууанма, джарлыма, деб да, джылама.
- Нёгерсизни джолу узун.
- Кёзюнде тереги болгъан, чёбю болгъаннга кюле эди.
- Ёгюзню мюйюзюнден тутадыла, адамны сёзюнден тутадыла.
Ошибка!
Для просмотра темы введите ваши логин и пароль.Пожалуйста, авторизуйтесь: