- Кёкдеги болмаса, джердегин кёрмейди.
- Накъырда – кертини келечиси.
- Окъ къызбайны джокълайды.
- Акъыллы эркиши атын махтар, акъылсыз эркиши къатынын махтар.
- Окъугъанны бети джарыкъ.
- Эки къатын алгъанны къулагъы тынгнгаймаз.
- Тил джюрекге джол ишлейди.
- Ашхы тенг джолгъа салыр, аман тенг джолдан тайдырыр.
- Ач къарным, тынч къулагъым.
- Баланы адам этген анады.
- Кёл ашады да, кеси ашады.
- Азыкълы ат арымаз, къатыны аман джарымаз.
- Башланнган иш битер, къымылдагъан тиш тюшер.
- Акъдан къара болмаз.
- Тойгъандан сора, ашны сёкме.
- Билимден уллу байлыкъ джокъду.
- Акъыллы башны – тили къысха.
- Къралынгы – душмандан, башынгы от бла суудан сакъла.
- Телиге акъыл салгъандан эсе, ёлгеннге джан салырса.
- Башы джабылгъан челекге, кир тюшмез.
- Ана къойну – балагъа джандет.
- Тойгъанлыкъ къойгъа джарашады.
- Агъач – джерни чырайы, кийим – эрни чырайы.
- Киштикге къанат битсе, чыпчыкъ къалмаз эди.
- Тюз сёз баргъан сууну тыяр.
- Къарт болгъан джерде, берекет болур, сабий болгъан джерде, оюн болур.
- Къонагъынгы артмагъын алма да, алгъышын ал.
- Уллу къашыкъ эрин джыртар.
- Ишге юренсин къоллары, халкъ бла болсун джоллары.
- Акъыл неден да кючлюдю.
- Къолу уллу – асыу, аягъы уллу – джарсыу.
- Аш иеси бла татлыды.
- Адамны артындан къара сабан сюрме.
- Аджалсыз ёлюм болмаз.
- Бозаны арты дауур болур.
- Сёз – кюмюш, джыр – алтын.
- Чабакъ башындан чирийди.
- Кёрмегеннге кебек – танг, битмегеннге сакъал – танг.
- Ёксюзню тилеги къабыл болур.
- Билимли ёлмез, билимсиз кёрмез.
- Эртде тургъан джылкъычыны эркек аты тай табар.
- «Ёгюз, джаргъа джууукъ барма, меннге джюк боллукъса», - дегенди эшек.
- Таукел тауну аудурур.
- Садакъачыны джаны – къапчыгъында.
- Суу ичген шауданынга тюкюрме.
- Ариу сёз – джаннга азыкъ, аман сёз – башха къазыкъ.
- Чомарт бергенин айтмаз.
- Этни да ашады, бетни да ашады.
- Чакъырылмагъан къонакъ къачан кетерин сормаз.
- Сабийликде юретмесенг, уллу болса – тюзелмез.
Ошибка!
Для просмотра темы введите ваши логин и пароль.Пожалуйста, авторизуйтесь: