- Татлы тилде – сёз ариу, чемер къолда – иш ариу.
- Биреуге аманлыкъны тилеме да, кесинге ашхылыкъны тиле.
- Тил джюрекге джол ишлейди.
- Тойгъан джерден туугъан джер игиди.
- Зар адамны насыбы болмаз.
- Къумурсхала джыйылсала, пилни да джыгъадыла.
- Битмегеннге сакъал – танг.
- Джуртун къоругъан озар.
- Бастасын ашагъан, хантусун да ичер.
- Ашыкъгъан cуу, тенгизге джетмез.
- Телини эшигин, махтау джабар.
- Ашхы атаны – джашы ашхы, ашхы ананы – къызы ашхы.
- Сабыр джетер муратха, сабырсыз къалыр уятха.
- Ишни ахырын ойламай, аллын башлама.
- Ач отунчуну ачыуу – бурнунда.
- Арбаз къынгырды да, ийнек сауалмайма.
- Дженгил джетерикме деб, узун джолну къоюб, къысхасын барма.
- Чакъырылмагъан къонакъ тёрге атламаз.
- Чыбыкълыкъда бюгюлмеген, къазыкълыкъда бюгюлмей эди.
- Адам сёзюнден белгили.
- Акъыллы айтыр эди, акъылсыз къоймайды.
- Джетген къыз джерли эшекни танымаз.
- Окъумагъан сокъурду, сокъур ташха абыныр!
- Кимни – тили, тиши онглу, кимни – къолу, иши онглу.
- Эри аманны, къатыны – аман.
- Аманны эки битли тону болур, бирин сеннге кийдирир, бирин кеси киер.
- Соргъан айыб тюлдю, билмеген айыбды.
- Акъыллы башны – тили къысха.
- Сёз къанатсыз учар.
- Башланнган иш битер, къымылдагъан тиш тюшер.
- Атынг аманнга чыкъгъандан эсе, джанынг тамагъынгдан чыкъсын.
- Ариу сёзде ауруу джокъ.
- Таугъа чыгъаллыкъ эсенг, тюзде къалма.
- Алма терегинден кери кетмез.
- Къарт болгъан джерде, берекет болур, сабий болгъан джерде, оюн болур.
- Сабий болмагъан джерде, мёлек болмаз.
- Аджалсыз ёлюм болмаз.
- Кесине гебен этелмеген, биреуге черен эте эди.
- Мал тутхан – май джалар.
- Ашаса, ашамаса да, бёрюню ауузу – къан.
- Джырына кёре эжиую.
- Джырчы ёлсе, джыры къалыр.
- Туз, гырджын аша, тюзлюк бла джаша.
- Эрине къаргъыш этген къатын, эрнин къабар.
- Къазанны башы ачыкъ болса, итге уят керекди.
- Чомартны къолун джокълукъ байлар.
- Ачылгъан эт джабылыр, кёрген кёз унутмаз.
- Тенгни тенглиги джашай барсанг билинир.
- Джарлыны эшигин махтагъан джабар.
- Ата Джуртун танымагъан, атасын да танымаз.
Ошибка!
Для просмотра темы введите ваши логин и пароль.Пожалуйста, авторизуйтесь: