- Ханнга да келеди хариблик.
- Кёб къычыргъандан – къоркъма, тынч олтургъандан – къоркъ.
- Ашыкъгъанны этеги бутуна чырмалыр.
- Эте билген, этген этеди, эте билмеген, юретген этеди!
- Ауругъанны сау билмез, ач къарынны токъ билмез.
- Чабакъ башындан чирийди.
- Аманнга да, игиге да оноусуз къатышма.
- Биреуню эскиси биреуге джангы болмайды.
- Къая джолда джортма, ачыкъ сёзден къоркъма.
- Ана – юйню кюн джарыгъы.
- Аман адам элни бир-бирине джау этер.
- Юйлю уругъа ит чабмаз.
- Нёгерсизни джолу узун.
- Къонакъны къачан кетерин сорма, къачан келлигин сор.
- Атадан ёксюз – бир ёксюз, анадан ёксюз – эки ёксюз.
- Элде адам къалмаса, ит тахтагъа минер.
- Садакъачыны джаны – къапчыгъында.
- Чабакъсыз кёлге къармакъ салгъанлыкъгъа, чабакъ тутмазса.
- Ёлген эшек бёрюден къоркъмайды.
- Шайтан алдады, тюзлюк къаргъады.
- Джюрекден джюрекге джол барды.
- Кёбню кёрген – кёб билир.
- Иги сеники эсе да, сюйген кесимикин этеме.
- Босагъагъа джууукъ орун болса, ашыгъыб тёрге озма.
- Аман эсирсе, юйюн ояр.
- Джарлы тюеге минсе да, ит къабар.
- Экеулен сёлеше тура эселе, орталарына барыб кирме.
- Джашынгы кесинг юретмесенг, джашау юретир.
- Айтылгъан сёз ызына къайтмаз.
- Къонакъ аз олтурур, кёб сынар.
- Ачыкъ джюрекге джол – ачыкъ.
- Къолунгдан къуймакъ ашатсанг да, атаны борчундан къутулмазса.
- Джылар джаш, атасыны сакъалы бла ойнар.
- Тойчу джашха къарама, къойчу джашха къара.
- Чоюнну башы ачыкъ болса, итге уят керекди.
- Дуния малгъа сатылма, кесингден телиге къатылма.
- Ёксюзню къалачы уллу кёрюнюр.
- Хазыр ашха – терен къашыкъ.
- Хантына кёре тузу, юйюне кёре къызы.
- Ач уят къоймаз.
- Сёз садакъдан кючлюдю.
- Ат басханны джер билед.
- Ауругъан – джашаудан умутчу.
- Джолунга кёре – джюрюшюнг, джагъанга кёре – юлюшюнг.
- Мен да «сен», дейме, сен да «кесим», дейсе.
- Тил – кесген бычакъ, сёз – атылгъан окъ.
- Ариуну – ауруу кёб.
- Рысхы – насыбха къор.
- Керилген да, ургъан кибикди.
- Чакъырылмагъан къонакъ къачан кетерин сормаз.
Ошибка!
Для просмотра темы введите ваши логин и пароль.Пожалуйста, авторизуйтесь: