- Джеринден айырылгъан – джети джылар, джуртундан айырылгъан – ёлгюнчю джылар.
- Къарны аманнга къазан такъдырма, къолу аманнга от джакъдырма.
- Аджаллыгъа окъсуз шкок атылыр.
- Таула не мийик болсала да, аууш табылыр.
- Къолунгдан къуймакъ ашатсанг да, атаны борчундан къутулмазса.
- Малны кют, джерни тюрт.
- Джогъун бар этген, барын бал этген.
- Билимден уллу байлыкъ джокъду.
- Нафысынгы айтханын этме, намысынгы айтханын эт.
- Алтыда кюлмеген, алтмышда кюлмез.
- Акъыл неден да кючлюдю.
- Махтаннган къыз, тойда джукълар.
- Айран ичген – къутулду, джугъусун джалагъан – тутулду.
- Кёзю сокъурдан – къоркъма, кёлю сокъурдан – къоркъ.
- Къонакъ хазыр болгъанлыкъгъа, къонакъбай хазыр тюлдю.
- Уллу сёлешме да, уллу къаб.
- Ёлген ийнек сютлю болур.
- Тил джюрекге джол ишлейди.
- Иги сёз – джаннга азыкъ, аман сёз башха – къазыкъ.
- Бёрю да ач къалмасын, эчки да ашалмасын.
- Кёлю джокъну – джолу джокъ.
- Эркишини аманы тиширыуну джылатыр.
- Сагъышы джокъ – джукъучу, акъылы джокъ – къаугъачы.
- Ачыкъ джюрекге джол – ачыкъ.
- Эл ауузу – элия.
- Хунаны тюбюн къазсанг, юсюнге ауар.
- Къызбайны юйюне дери сюрсенг, батыр болур.
- Тойгъан джерге джети къайт.
- Кёб къычыргъандан – къоркъма, тынч олтургъандан – къоркъ.
- Кесинге джетмегенни, кёб сёлешме.
- Окъуусуз билим – джокъ, билимсиз кюнюнг – джокъ.
- Онгсузну – джакъла, тенгликни – сакъла.
- Мухардан ач ычхынмаз.
- Байлыкъ келсе, акъыл кетер.
- Ариу сёз – къылычдан джити.
- Джуртун къоругъан озар.
- Мен да «сен», дейме, сен да «кесим», дейсе.
- Кюн кёрмеген, кюн кёрсе, кюндюз чыракъ джандырыр.
- Адамны джюреги нени кёрюрге сюйсе, кёзю да аны кёрюрге ёч болады.
- Тёгюлген тюгел джыйылмайды.
- Ата Джуртча джер болмаз, туугъан элча эл болмаз.
- Борчунг бар эсе, хурджунунга ойлаб узал.
- Тик ёргени, тик энгишгеси да болады.
- Юйюнгден чыкъдынг – кюнюнгден чыкъдынг.
- Айтханы чапыракъдан ётмеген.
- Узун джолну барсанг, бюгюн келирсе, къысха джолну барсанг, тамбла келирсе.
- Тура эдим джата, къайдан чыкъды хата?
- Чыбыкълыкъда бюгюлмеген, къазыкълыкъда бюгюлмей эди.
- Айраннга суу къош, телиге джол бош.
- Ачлыкъ отха секиртир.
Ошибка!
Для просмотра темы введите ваши логин и пароль.Пожалуйста, авторизуйтесь: