- Билгенни къолу къарны джандырыр.
- Билими азны – ауузунда кирит.
- Гитче джилтин уллу элни джандырыр.
- Чомарт къолда мал къалмаз.
- Бал – татлы, балдан да бала – татлы.
- Тюкюрюк баш джармаз, налат кёз чыгъармаз!
- Чакъырылмагъан къонакъ – орунсуз.
- Иши джокъну, сыйы джокъ.
- Джылкъыдан – ат чыгъар, тукъумдан – джаш чыгъар.
- Рысхы джалгъанды: келген да этер, кетген да этер.
- Билмегенинги, билгеннге сор.
- Къуллукъчума, деб махтанма, къуллукъ – хаух джамчыды!
- Ёмюрлюк шохлукъну джел элтмез.
- Ёлген эшек бёрюден къоркъмайды.
- Мухарны эси – ашарыкъда.
- Хунаны тюбюн къазсанг, юсюнге ауар.
- Адам туугъан джеринде, ит тойгъан джеринде.
- Ашлыкъ – бюртюкден, джюн – тюкден.
- Аш хазыр болса, иш харам болур.
- Эл элде бирер малынг болгъандан эсе, бирер тенгинг болсун.
- Эрине къаргъыш этген къатын, эрнин къабар.
- Дууулдаса – бал чибин, къонса – къара чибин.
- Къолу уллу – асыу, аягъы уллу – джарсыу.
- Тилчиден кери бол.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чарсда алчыны эл кёреди.
- Аманны къуугъан, аманлыкъ табар.
- Ашха уста, юйюнде болсун
- Намысы болмагъанны, сыйы болмаз.
- Садакъачыны джаны – къапчыгъында.
- Дженгил джетерикме деб, узун джолну къоюб, къысхасын барма.
- Махтаннган къыз, тойда джукълар.
- Ач къарынны, токъ билмез
- Къыйынлы джети элни къайгъысын этер.
- Харам къарнашдан, халал тенг ашхы.
- Шапа кёб болса, аш татымсыз болур.
- Аманны тукъумуна къарама, игини тукъумун сорма.
- Ёпкелегенни ашы татлы болады.
- Джумушакъ сёз къаты таякъны сындырыр.
- Ач отунчуну ачыуу – бурнунда.
- Берекет берсин деген джерде, берекет болур.
- Кёлсюзден сёзсюз тууар.
- Ёксюзню тилеги къабыл болур.
- Адеб этмеген, адеб кёрмез.
- Ишленмеген джаш – джюгенсиз ат, ишленмеген къыз – тузсуз хант.
- Ичимден чыкъды хата, къайры барайым сата?
- Гырджын – тепсини тамадасы.
- Айырылмаз джууугъунга, унутмаз сёзню айтма.
- Тенги кёбню джау алмаз, акъылы кёбню дау алмаз.
- Бозаны арты дауур болур.
Ошибка!
Для просмотра темы введите ваши логин и пароль.Пожалуйста, авторизуйтесь: