- Къанны къан бла джуума, аманны аман бла къуума.
- Иги джашны ышаны – аз сёлешиб, кёб тынгылар.
- Ёгюзню мюйюзюнден тутадыла, адамны сёзюнден тутадыла.
- Кечеси – аяз, кюню – къыш, джарлы къаргъагъа бир аш тюш!
- Тойгъан джерге джети къайт.
- Окъуусуз билим – джокъ, билимсиз кюнюнг – джокъ.
- Агъач – джерни чырайы, кийим – эрни чырайы.
- Мухардан ач ычхынмаз.
- Игини сыйлагъан адетди.
- Къозулугъунда тоймагъан, къойлугъунда тоймаз.
- Эски джаугъа ышанма.
- Тойгъан антын унутур.
- Эрни эр этерик да, къара джер этерик да, тиширыуду.
- Чакъырылмай келген къонакъ сыйланмай кетер.
- Башда акъыл болмаса, эки аякъгъа кюч джетер.
- Мени джылытмагъан кюн, меннге тиймесин!
- Джылыгъа джылан илешир.
- Сагъыш – къартлыкъгъа сюйюмчю.
- Сууда джау джокъ, кёб сёзде магъана джокъ.
- Тил – миллетни джаны.
- Чомартха хар кюн да байрамды.
- Келинин тута билмеген, къул этер, къызын тута билмеген, тул этер.
- Байлыкъ адамны сокъур этер.
- Махтаннган къыз, тойда джукълар.
- Зар адамны насыбы болмаз.
- Сабийни джумушха джибер да, ызындан бар.
- Кимни – тили, тиши онглу, кимни – къолу, иши онглу.
- Кесинге джетмегенни, кёб сёлешме.
- Игилик игилик бла сингдирилиучю затды.
- Айыбны суу бла джууалмазса.
- Айтылгъан буйрукъ, сёгюлмез
- Тил бла келеди джыр да.
- Джети тилни билген джети кишиди.
- Эркиши – от, тиширыу – суу.
- Тамбла алтындан бюгюн багъыр ашхы.
- Телиге от эт десенг, юйюнге от салыр.
- Азыгъы аз, алгъа къабар, аты аман, алгъа чабар.
- Джылар джаш, атасыны сакъалы бла ойнар.
- Таукел тауну аудурур.
- Таула не мийик болсала да, аууш табылыр.
- Джахил болса анасы, не билликди баласы?
- Ёлюр джаннга, ёкюл джокъ.
- Ёмюрлюк шохлукъну джел элтмез.
- Игиге айтсанг – билир, аманнга айтсанг – кюлюр.
- Иги адам абынса да, джангылмаз.
- Къонакъ болсанг, ийнакъ бол.
- Джашны джигитлиги сорулур, къызны джигерлиги сорулур.
- Сибиртки да сыйлы болду, кюрек да кюнлю болду.
- Ана къойну – балагъа джандет.
- Чакъырылгъанны аты, чакъырылмагъанны багъасы болур.
Ошибка!
Для просмотра темы введите ваши логин и пароль.Пожалуйста, авторизуйтесь: