- Ачыу алгъа келсе, акъыл артха къалады.
- Экеулен сёлеше тура эселе, орталарына барыб кирме.
- Ишлегенден, къарагъан уста.
- Босагъагъа джууукъ орун болса, ашыгъыб тёрге озма.
- Тели турса – той бузар.
- Кёбню кёрген – кёб билир.
- Акъыллы эркиши атын махтар, акъылсыз эркиши къатынын махтар.
- От этилмеген джерден тютюн чыкъмайды.
- Тешик этген тынчды, аны джамагъан къыйынды.
- Юйюнгден чыкъдынг – кюнюнгден чыкъдынг.
- Уясында не кёрсе, учханында аны этер.
- Акъыл сабырлыкъ берир.
- Бал ашаргъа сюе эсенг, чибин ургъаннга тёз.
- Болджал ишни бёрю ашар.
- Джангызны оту джарыкъ джанмаз!
- Аманнга игилик этсенг, юйюнге сау бармазса.
- Джаралыны джастыгъында сау ёлюр.
- Тёрдеги кюлсе, эшикдеги ышарыр.
- Хатерли къул болур.
- Къызбайны юйюне дери сюрсенг, батыр болур.
- Адам къыйынлыгъын кёлтюрюр, зауукълугъун кёлтюрмез.
- Билмегенинги, билгеннге сор.
- Чомартха хар кюн да байрамды.
- Иги адам абынса да, джангылмаз.
- Ашда уялгъан – мухар, ишде уялгъан – хомух.
- Къызны минг тилер, бир алыр.
- Билимли ёлмез, билимсиз кёрмез.
- Иги джашны ышаны – аз сёлешиб, кёб тынгылар.
- Ауурну тюбю бла, дженгилни башы бла джюрюген.
- Кийимни бир кюнню аясанг, минг кюннге джарар.
- Сагъыш – къартлыкъгъа сюйюмчю.
- Кёб джашагъан – кёб билир.
- Джуртун къоругъан озар.
- Сабий кёргенин унутмаз.
- Чомарт къолда мал къалмаз.
- Биреуню къыйынлыгъы бла кесинге джол ишлеме.
- Эки элинги тыйсанг, джети элде махталырса.
- «Ма», - дегенни билмесенг, «бер», - дегенни билмезсе.
- Кёлсюзден сёзсюз тууар.
- Байлыкъ адамны сокъур этер.
- Джарлы тюеге минсе да, ит къабар.
- Ёлген ийнек сютлю болур.
- Экеу тутушса, биреу джыгъылыр.
- Джюрекден джюрекге джол барды.
- Ариу сёзде ауруу джокъ.
- Терслик кетер, тюзлюк джетер.
- Кесинг сынамагъан затны, адамгъа буюрма.
- Эркиши – от, тиширыу – суу.
- Тёзген – тёш ашар!
- Зарда марда джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: