- Кюн – узун, ёмюр – къысха.
- Сагъышы джокъ – джукъучу, акъылы джокъ – къаугъачы.
- Итли къонакъ джарашмаз.
- Иги джашны ышаны – аз сёлешиб, кёб тынгылар.
- Кёб джашагъан – кёб билир.
- Ач уят къоймаз.
- Тойчу джашха къарама, къойчу джашха къара.
- Ач къалгъандан, кеч къалгъан къолай.
- Ачлыкъ отха секиртир.
- Къартха ушагъан джаш – акъыллы, джашха ушагъан къарт – тели.
- Эринчекни эр алмаз, эр алса да, кёл салмаз, кёл салса да, кёб бармаз!
- Келинни – келгинчи, бёркню кийгинчи кёр.
- Уллу айтханны этмеген – уллаймаз.
- Сёз садакъдан кючлюдю.
- Мураты болгъанны джюрек тебюую башхады.
- Ишлегенден, къарагъан уста.
- Иги сёз – джаннга азыкъ, аман сёз башха – къазыкъ.
- Этим кетсе да, сюегим къалыр.
- Тил джюрекге джол ишлейди.
- Танг атмайма десе да, кюн къоярыкъ тюйюлдю.
- Аууздан келген, къолдан келсе, ким да патчах болур эди.
- Билмезни кёзю кёрмез, этмезни къулагъы эшитмез.
- Аман къатын алгъан, арыр, иги къатын алгъан джарыр.
- Сескекли кесин билдирир.
- Джангыз терек къынгыр ёсер.
- Джолда аягъынга сакъ бол, ушакъда тилинге сакъ бол.
- Тамчы таш тешер.
- Къарнынг къанлынга кийирир.
- Айраннга суу къош, телиге джол бош.
- Арыгъан къош чамчы болур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тулпарлыкъ, билекден тюл – джюрекден.
- Эли джокъну – кёлю джокъ.
- Бичгенде ашыкъма, тикгенде ашыкъ.
- Мал ёлсе, сюек къалыр, адам ёлсе, иши къалыр.
- Дуния аламаты сен эсенг да, игиме деб айтма.
- Кёбден умут этиб, аздан къуру къалма.
- Къулакъдан эсе, кёзге ышан.
- Ёзденликни джайгъан – джокълукъ.
- Кёб ант этген, кёб ётюрюк айтыр.
- Ойнаб айтсанг да, эслеб айт.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёзню ачылгъаны – иги, ауузну джабылгъаны – иги.
- Билмейме деген – бир сёз
- Ишлерге уял да, ашаргъа табма.
- Бети – къучакълар, джюреги – бычакълар.
- Эркишини аманы тиширыуну джылатыр.
- Ашаса, ашамаса да, бёрюню ауузу – къан.
- Тыш элде солтан болгъандан эсе, кесинги элде олтан болгъан игиди!
- Окъугъанны бети джарыкъ.
Ошибка!
Для просмотра темы введите ваши логин и пароль.Пожалуйста, авторизуйтесь: