- Таукел тауну аудурур.
- Алтыда кюлмеген, алтмышда кюлмез.
- Ойнай билмеген, уруб къачар.
- Джумушакъ сёз къаты таякъны сындырыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Уллу сёлешме да, уллу къаб.
- Кёзню ачылгъаны – иги, ауузну джабылгъаны – иги.
- Окъумагъан сокъурду, сокъур ташха абыныр!
- Хата – гитчеден.
- Къонагъы джокъну – шоху джокъ.
- От кюйдюрген, сау болса да, тот кюйдюрген, сау болмаз.
- Аман къатын алгъан, арыр, иги къатын алгъан джарыр.
- Аз айтсам, кёб ангылагъыз.
- Бети – къучакълар, джюреги – бычакълар.
- Эшекни не къадар тюйсенг да, ат болмаз.
- Сыфатында болмагъаны, суратында болмаз.
- Бети бедерден, намыс сакълама.
- Билмегенинги, билгеннге сор.
- Гыдай эчки суугъа къараб, мюйюзле кёрмесе, джашма алкъын, дегенди.
- Бозаны арты дауур болур.
- Аууздан келген, къолдан келсе, ким да патчах болур эди.
- Джюрекге ариу – кёзге да ариу.
- Кенгеш болса, уруш болмаз.
- Аз сёлешген, къайгъысыз турур.
- Кесине оноу эте билмеген, халкъына да эте билмез.
- Керек ташны ауурлугъу джокъ.
- Кёл ашады да, кеси ашады.
- Ишлегенде эринме, ишде чолакъ кёрюнме.
- Хунаны тюбюн къазсанг, юсюнге ауар.
- Ана кёлю – балада, бала кёлю – талада.
- Эринчекни эр алмаз, эр алса да, кёл салмаз, кёл салса да, кёб бармаз!
- Таугъа чыгъаллыкъ эсенг, тюзде къалма.
- Борчунг бар эсе, хурджунунга ойлаб узал.
- Тойгъанлыкъ къойгъа джарашады.
- Адамны сыфатына къарама, сёзюне къара.
- Окъуу – билимни ачхычы, окъуу – дунияны бачхычы.
- Башы ишлегенни, ауузу да ишлер.
- Рысхы – сют юсюнде кёмюк кибикди.
- Къазанны башы ачыкъ болса, итге уят керекди.
- Хантына кёре тузу, юйюне кёре къызы.
- Чомарт джарлы болмаз.
- Бети къызарыучу адамны, джюреги харам болмаз.
- Биреуню къыйынлыгъы бла кесинге джол ишлеме.
- Сескекли кесин билдирир.
- Байма, деб да, къууанма, джарлыма, деб да, джылама.
- Чакъырылмай келген къонакъ сыйланмай кетер.
- Кёзюнде тереги болгъан, чёбю болгъаннга кюле эди.
- Чомарт къонакъ юй иесин сыйлар.
- Эл тойса, тоймагъан, эл къойса, къоймагъан.
- Ашхы болсанг, атынг чыгъар, аман болсанг, джанынг чыгъар.
Ошибка!
Для просмотра темы введите ваши логин и пароль.Пожалуйста, авторизуйтесь: