- Чоюнну башы ачыкъ болса, итге уят керекди.
- Суу да къайтады чыкъгъан джерине.
- Ач отунчуну ачыуу – бурнунда.
- Эки ойлашыб, бир сёлешген.
- Сёз садакъдан кючлюдю.
- Дженгил джетерикме деб, узун джолну къоюб, къысхасын барма.
- Махтаннган къыз, тойда джукълар.
- Биреу ашаб къутулур, биреу джалаб тутулур.
- Чомартны къолу берекет.
- Хансыз джомакъ болмаз.
- Ат да турмайды бир териде.
- Сууда джау джокъ, кёб сёзде магъана джокъ.
- Джарлыны эшигин махтагъан джабар.
- Гугурук къычырмаса да, тангны атары къалмаз.
- Байлыкъ болгъан джерде, тынчлыкъ джокъду.
- Ашхы атаны – джашы ашхы, ашхы ананы – къызы ашхы.
- Кесине гебен этелмеген, биреуге черен эте эди.
- Ариу сёз – джаннга азыкъ, аман сёз – башха къазыкъ.
- Халкъгъа джарагъан, джарлы къалмаз.
- Баргъанынга кёре болур келгенинг.
- Бал ашаргъа сюе эсенг, чибин ургъаннга тёз.
- Акъдан къара болмаз.
- Билим къая тешер.
- Чомарт къонакъ юй иесин сыйлар.
- Таукел къуру къалмаз.
- Атадан ёксюз – бир ёксюз, анадан ёксюз – эки ёксюз.
- Туз, гырджын аша, тюзлюк бла джаша.
- Аманны тукъумуна къарама, игини тукъумун сорма.
- Тешигини къатында, чычхан да батыр болур.
- Ёпкелегенни ашы татлы болады.
- Къартха ушагъан джаш – акъыллы, джашха ушагъан къарт – тели.
- Аш хазыр болса, иш харам болур.
- Ата Джуртуму башы болмасам да, босагъасында ташы болайым.
- Юйюнг бла джау болгъандан эсе, элинг бла джау бол.
- Эркишини аманы тиширыуну джылатыр.
- Айырылгъанланы айю ашар, бёлюннгенлени бёрю ашар.
- Джылар джаш, атасыны сакъалы бла ойнар.
- Адамны сабийин сюйген джюреги, бычакъча, джитиди.
- Суугъа – чабакъ, къаягъа – ыргъакъ.
- Башынга джетмегенни сорма.
- Мал тутхан – май джалар.
- Биреуге кёлтюрген таягъынг, кесинги башынга урур.
- Къар – келтирди, суу – элтди.
- Тил джюрекге джол ишлейди.
- Ачны эсинде – аш.
- Кёкдеги болмаса, джердегин кёрмейди.
- Игиге айтсанг – билир, аманнга айтсанг – кюлюр.
- Билген билмегенни юретген адетди.
- Сескекли кесин билдирир.
- Окъумагъан сокъурду, сокъур ташха абыныр!
Ошибка!
Для просмотра темы введите ваши логин и пароль.Пожалуйста, авторизуйтесь: