- Дуния аламаты сен эсенг да, игиме деб айтма.
- Ишлегенден, къарагъан уста.
- Итли къонакъ джарашмаз.
- Кёзден кетген, кёлден да кетеди.
- Къарыусузгъа кюлме, онгсузгъа тийме.
- Уллу къашыкъ эрин джыртар.
- Башы ишлегенни, ауузу да ишлер.
- Кютгени беш эчки, сызгъыргъаны уа, джерни джарады.
- Къонагъынгы артмагъын алма да, алгъышын ал.
- Бир абыннган – минг сюрюнюр.
- Байны къызы баймакъ болса да, юйде къалмаз!
- Сёлеш деб шай берген, тохта деб, сом берген.
- Тюзлюк тас болмайды.
- Хар сёзню орну барды.
- Адам туугъан джеринде, ит тойгъан джеринде.
- Тамбла алтындан бюгюн багъыр ашхы.
- Урама да – ёледи, сатама да – келеди.
- Ата Джуртун танымагъан, атасын да танымаз.
- Ёмюрлюк шохлукъну джел элтмез.
- Эри аманны, къатыны – аман.
- Билгенни къолу къарны джандырыр.
- Ачыкъ джюрекге джол – ачыкъ.
- Ана къолу ачытмаз.
- Джерни букъусу кёкге къонмаз.
- Къалгъан ишге къар джауар.
- Мухардан ач ычхынмаз.
- Билим ат болуб да чабар, къуш болуб да учар.
- Керти сёзге тёре джокъ.
- Билим къая тешер.
- Кийим тукъум сордурур.
- Таукелге нюр джауар.
- Кёрмегеннге кебек – танг, битмегеннге сакъал – танг.
- Къралынгы – душмандан, башынгы от бла суудан сакъла.
- Арыгъан къош чамчы болур.
- Хар ишни да аллы къыйынды.
- Ишленмеген джаш – джюгенсиз ат, ишленмеген къыз – тузсуз хант.
- Сакъламагъан затынга джолукъсанг, не бек къууанаса, не бек ачыйса.
- Тойгъан антын унутур.
- Ушамагъан – джукъмаз.
- Телиге от эт десенг, юйюнге от салыр.
- От этилмеген джерден тютюн чыкъмайды.
- Ач къалгъандан, кеч къалгъан къолай.
- Иги адам абынса да, джангылмаз.
- Джырчы джырчыгъа – къарнаш.
- Нёгерсизни джолу узун.
- Уллу къазанда бишген эт, чий къалмаз.
- Уллу суу бла уллу ауруудан башынгы сакъла.
- Биреу ашаб къутулур, биреу джалаб тутулур.
- Бозанг болмагъан джерге, къалагъынгы сукъма.
- Ёлген ийнек сютлю болур.
Ошибка!
Для просмотра темы введите ваши логин и пароль.Пожалуйста, авторизуйтесь: