- Тюзлюк тас болмайды.
- Чомарт къонакъ юй иесин сыйлар.
- Адамгъа аман кюн соруб келмейди.
- Сууда джау джокъ, кёб сёзде магъана джокъ.
- Айыбны суу бла джууалмазса.
- Къызын тута билмеген, тул этер, джашын тута билмеген, къул этер.
- Джюрекге ариу – кёзге да ариу.
- Айранын берсенг, челегин да къызгъанма.
- Суу ичген шауданынга тюкюрме.
- Ана къойну – балагъа джандет.
- Босагъагъа джууукъ орун болса, ашыгъыб тёрге озма.
- Ойнай билмеген, оюн бузар.
- Эл тойса, тоймагъан, эл къойса, къоймагъан.
- Айырылгъанланы айю ашар, бёлюннгенлени бёрю ашар.
- Ата Джуртун танымагъан, атасын да танымаз.
- Кёл ашады да, кеси ашады.
- Байны къызы баймакъ болса да, юйде къалмаз!
- Чакъырылмагъан къонакъ – орунсуз.
- Ашхы сёз таш тешер.
- Душманны тышы – акъ, ичи – къара.
- Джолда аягъынга сакъ бол, ушакъда тилинге сакъ бол.
- Чабакъгъа акъыл, табагъа тюшсе келеди.
- Кёлю джокъну – джолу джокъ.
- Ана къолу ачытмаз.
- Джети тилни билген джети кишиди.
- Тыш элде солтан болгъандан эсе, кесинги элде олтан болгъан игиди!
- Ишлегенден, къарагъан уста.
- Абынмазлыкъ аякъ джокъ, джангылмазлыкъ джаякъ джокъ.
- Чомартны къолу берекет.
- Акъыл бла адеб эгизледиле.
- Адам боллукъ, атламындан белгили болур.
- Ашхы болсанг, атынг чыгъар, аман болсанг, джанынг чыгъар.
- Ашха уста, юйюнде болсун
- Тёгюлген тюгел джыйылмайды.
- Аш иеси бла татлыды.
- Алтыннга тот къонмаз.
- Чомарт бергенин айтмаз.
- Кийимни бир кюнню аясанг, минг кюннге джарар.
- Шапа кёб болса, аш татымсыз болур.
- Окъугъан – асыу, окъумагъан – джарсыу.
- Соргъан айыб тюлдю, билмеген айыбды.
- Биреуге аманлыкъны тилеме да, кесинге ашхылыкъны тиле.
- Сабий болмагъан джерде, мёлек болмаз.
- Башсыз урчукъ тюзюне айланмаз.
- Телини эшигин, махтау джабар.
- Ишленмеген джаш – джюгенсиз ат, ишленмеген къыз – тузсуз хант.
- Чабакъ башындан чирийди.
- Иги адам абынса да, джангылмаз.
- Айырылмаз джууугъунга, унутмаз сёзню айтма.
- Ашхы атаны – джашы ашхы, ашхы ананы – къызы ашхы.
Ошибка!
Для просмотра темы введите ваши логин и пароль.Пожалуйста, авторизуйтесь: