- Чалманны аллы къалай башланса, арты да алай барады.
- Гыдай эчки суугъа къараб, мюйюзле кёрмесе, джашма алкъын, дегенди.
- Чыбыкълыкъда бюгюлмеген, къазыкълыкъда бюгюлмей эди.
- Эм ашхы къайын ана мамукъ бла башынгы тешер.
- Къонагъы джокъну – шоху джокъ.
- Джырчы джырчыгъа – къарнаш.
- Тиширыусуз юй – отсуз от джагъа.
- Адам боллукъ, атламындан белгили болур.
- Ариу сёз – джаннга азыкъ, аман сёз – башха къазыкъ.
- Юй ишлеген балта эшикде къалыр.
- Бек ашыкъгъан меннге джетсин, дегенди аракъы.
- Сёз садакъдан кючлюдю.
- Аз сёлешген, къайгъысыз турур.
- Бозаны арты дауур болур.
- Нарт сёз къарт болмаз.
- Юйюнгден чыкъдынг – кюнюнгден чыкъдынг.
- Къралынгы – душмандан, башынгы от бла суудан сакъла.
- Гитче джилтин уллу элни джандырыр.
- Аллахха ийнаннган кишини, Аллах онгдурур ишин.
- Азыкълы ат арымаз, къатыны аман джарымаз.
- Къарнынг ауруса, ауузунгу тый
- Ата Джуртуму башы болмасам да, босагъасында ташы болайым.
- Туз, гырджын аша, тюзлюк бла джаша.
- Мухарны эси – ашарыкъда.
- От кюйдюрген, сау болса да, тот кюйдюрген, сау болмаз.
- Тура эдим джата, къайдан чыкъды хата?
- Аман адам элни бир-бирине джау этер.
- Ана къойну – балагъа джандет.
- Ачылгъан эт джабылыр, кёрген кёз унутмаз.
- Бир абыннган – минг сюрюнюр.
- Зар адам ашынгы ашар, кесинги сатар.
- Аман адамны тепсинге олтуртсанг, къызынгы тилер.
- Къолу уллу – асыу, аягъы уллу – джарсыу.
- Экеу тутушса, биреу джыгъылыр.
- Накъырда – кертини келечиси.
- Билимсиз иш бармаз.
- Ач уят къоймаз.
- Кирсизни – саны таза, халалны – къаны таза.
- Насыб бютеу халкъны юлюшюдю.
- Кёзню ачылгъаны – иги, ауузну джабылгъаны – иги.
- Эринчекни аурууу – кёб.
- Ишлерге уял да, ашаргъа табма.
- Ёлген ийнек сютлю болур.
- Тенги кёбню джау алмаз, акъылы кёбню дау алмаз.
- Айран тёгюлсе, джугъусу къалыр.
- Адамгъа аман кюн соруб келмейди.
- Термилгенинги табмазса, кюлгенинге тюберсе.
- Сабий кёргенин унутмаз.
- Байдан умут эте, джарлыдан ёгюз багъасы къорады.
- Адамны сабийин сюйген джюреги, бычакъча, джитиди.
Ошибка!
Для просмотра темы введите ваши логин и пароль.Пожалуйста, авторизуйтесь: