- Айырылмаз джууугъунга, унутмаз сёзню айтма.
- Къонагъы джокъну – шоху джокъ.
- Ёзденликни кёбю ётюрюк.
- Бозанг болмагъан джерге, къалагъынгы сукъма.
- Бойнуму джети джерден кессенг да, мен ол ишни этеллик тюлме.
- Джашлыкъ этмеген, башлыкъ этмез.
- Юй ишлеген балта эшикде къалыр.
- Ат да турмайды бир териде.
- Адеби болмагъан къыз – тузсуз хант.
- Арыгъан къош чамчы болур.
- Этни бети бла шорпасы.
- Ишлемеген – тишлемез.
- Тынгылагъан тынгы бузар.
- Этим кетсе да, сюегим къалыр.
- Къууут – джелге, берне – бошха.
- Этни да ашады, бетни да ашады.
- Этек чакъмакълары баш джаргъан, сёлешген сёзлери таш джаргъан.
- Ашхы болсанг, атынг чыгъар, аман болсанг, джанынг чыгъар.
- Сабийни джумушха джибер да, ызындан бар.
- Ётюрюкню башын керти кесер.
- Сютню башын джалагъан къутулур, тюбюн ичген тутулур.
- Джюрекден джюрекге джол барды.
- Атлыны кёрсе, джаяуну буту талыр.
- Адамны сыфатына къарама, сёзюне къара.
- Ойнай билмеген, уруб къачар.
- Тёзгеннге, джабылгъан эшик ачылыр.
- Эм ашхы къайын ана мамукъ бла башынгы тешер.
- Адеб этмеген, адеб кёрмез.
- Къарны аманнга къазан такъдырма, къолу аманнга от джакъдырма.
- Джашда акъыл джокъ, къартда къарыу джокъ.
- Керилген да, ургъан кибикди.
- Акъыллы эркиши атын махтар, акъылсыз эркиши къатынын махтар.
- Чыкълы кюнде чыкъмагъан, чыкъса къуру кирмеген.
- Ёксюзню къалачы уллу кёрюнюр.
- Ёпкелегенни ашы татлы болады.
- Аш берме да, къаш бер.
- Суу да къайтады чыкъгъан джерине.
- Тёрдеги кюлсе, эшикдеги ышарыр.
- Кёбню кёрген – кёб билир.
- Хунаны тюбюн къазсанг, юсюнге ауар.
- Байлыкъ тауусулур, билим тауусулмаз.
- Ач уят къоймаз.
- Алим болгъандан эсе, адам болгъан къыйынды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашын ашагъанынгы, башын да сыйла.
- Борчунг бар эсе, хурджунунга ойлаб узал.
- Чоюнну башы ачыкъ болса, итге уят керекди.
- Ат басханны джер билед.
- Таш бла ургъанны, аш бла ур.
- Ана – юйню кюн джарыгъы.
Ошибка!
Для просмотра темы введите ваши логин и пароль.Пожалуйста, авторизуйтесь: