- Кёзю сокъурдан – къоркъма, кёлю сокъурдан – къоркъ.
- Тыш элде солтан болгъандан эсе, кесинги элде олтан болгъан игиди!
- Телиге от эт десенг, юйюнге от салыр.
- Къолунгдан къуймакъ ашатсанг да, атаны борчундан къутулмазса.
- Сютню башын джалагъан къутулур, тюбюн ичген тутулур.
- Акъыллы башны – тили къысха.
- Атлыны ашхысы, ат тизгининден билинир
- Ашарыкъда сайлагъаннга – чий гырджын.
- Билеги кючлю, бирни джыгъар, билими кючлю, мингни джыгъар.
- Ишни аллы бла къууанма да, арты бла къууан.
- Таукел адам тау тешер.
- Ауузу бла къуш тута айланады.
- Тойгъанлыкъ къойгъа джарашады.
- Кенгеш болса, уруш болмаз.
- Башланнган иш битер, къымылдагъан тиш тюшер.
- Бетинги сатма, малынгы сат.
- Сёз сёзню айтдырыр.
- Эл тойса, тоймагъан, эл къойса, къоймагъан.
- Аууздан келген, къолдан келсе, ким да патчах болур эди.
- Джигер – джаннга къыйынлыкъ.
- Сабий болмагъан джерде, мёлек болмаз.
- Хазыр ашха – терен къашыкъ.
- Ашхы тенг джолгъа салыр, аман тенг джолдан тайдырыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Этни да ашады, бетни да ашады.
- Акъылсызны джууукъгъа алма, акъыллыны кенгнге салма.
- Аш хазыр болса, иш харам болур.
- Халкъгъа джарагъан, джарлы къалмаз.
- Адамны сабийин сюйген джюреги, бычакъча, джитиди.
- Уллу къашыкъ эрин джыртар.
- Нарт сёз – тилни бети.
- Ариу сёз – джаннга азыкъ, аман сёз – башха къазыкъ.
- Таш бла ургъанны, аш бла ур.
- Джаралыны джастыгъында сау ёлюр.
- Юй ишлеген балта эшикде къалыр.
- Къая джолда джортма, ачыкъ сёзден къоркъма.
- Ёгюзню мюйюзюнден тутадыла, адамны сёзюнден тутадыла.
- Окъугъан озар, окъумагъан тозар.
- Джол бла сёзню къыйыры джокъ.
- Иги сеники эсе да, сюйген кесимикин этеме.
- Ашлыкъ – бюртюкден, джюн – тюкден.
- Кийим тукъум сордурур.
- Билгенни къолу къарны джандырыр.
- Ишлерге уял да, ашаргъа табма.
- Джаш болсун, къыз болсун, акъылы, саны тюз болсун.
- Атынг аманнга чыкъгъандан эсе, джанынг тамагъынгдан чыкъсын.
- Билмегенинги, билгеннге сор.
- Ат басханны джер билед.
- Сёз къанатсыз учар.
- Иесиз малны бёрю ашар.
Ошибка!
Для просмотра темы введите ваши логин и пароль.Пожалуйста, авторизуйтесь: