- Эл тойса, тоймагъан, эл къойса, къоймагъан.
- Билимли ёлмез, билимсиз кёрмез.
- Тюкюрюк баш джармаз, налат кёз чыгъармаз!
- Акъыллы башны – тили къысха.
- Биреу къой излей, биреу той излей.
- Эки итни арасына сюек атма, эки адамны арасында сёз чыгъарма.
- Окъугъан – асыу, окъумагъан – джарсыу.
- Башланнган иш битер, къымылдагъан тиш тюшер.
- Сакъ юйюне сау барыр.
- Тау башында, тау болмаз, джангыз терек, бау болмаз.
- Джан саулукъ бермей, сан саулукъ бермезсе.
- Кирсизни – саны таза, халалны – къаны таза.
- Чомартны къолу берекет.
- Джыйырма къойну юч джыйырма эбзе кюте эди.
- Аманны къуугъан, аманлыкъ табар.
- Кёлю джокъну – джолу джокъ.
- Ёлюр джаннга, ёкюл джокъ.
- Керилген да, ургъан кибикди.
- Эллинг бла джау болсанг да, юйюнг бла джау болма.
- Къонакъны къачан кетерин сорма, къачан келлигин сор.
- Бир абыннган – минг сюрюнюр.
- Джюрек кёзден алгъа кёрюр.
- Алма терегинден кери кетмез.
- Адам къыйынлыгъын кёлтюрюр, зауукълугъун кёлтюрмез.
- Киштикге къанат битсе, чыпчыкъ къалмаз эди.
- Къарны аманнга къазан такъдырма, къолу аманнга от джакъдырма.
- Ат да турмайды бир териде.
- Джыгъылгъанны сырты джерден тоймаз.
- Элге къуллукъ этмеген, элге ие болмаз.
- Босагъагъа джууукъ орун болса, ашыгъыб тёрге озма.
- Тынгылагъан тынгы бузар.
- Айтханы чапыракъдан ётмеген.
- Къыйынлы джети элге оноу этер.
- Кёб ант этген, кёб ётюрюк айтыр.
- Кёбню кёрген – кёб билир.
- Ач къарынны, токъ билмез
- Адам сёзюнден белгили.
- Къумурсхала джыйылсала, пилни да джыгъадыла.
- Айраннга суу къош, телиге джол бош.
- Джеринден айырылгъан – джети джылар, джуртундан айырылгъан – ёлгюнчю джылар.
- Къуру гыбыт бек дыгъырдар.
- Чомартха хар кюн да байрамды.
- Бойнуму джети джерден кессенг да, мен ол ишни этеллик тюлме.
- Кийимни бир кюнню аясанг, минг кюннге джарар.
- Джогъун бар этген, барын бал этген.
- Тамырсыз терекге таянма – джыгъылырса.
- Джарлы эскисин джамаса, къууаныр.
- Ёзденликни джайгъан – джокълукъ.
- Тил – кесген бычакъ, сёз – атылгъан окъ.
- Чыбыкълыкъда бюгюлмеген, къазыкълыкъда бюгюлмей эди.
Ошибка!
Для просмотра темы введите ваши логин и пароль.Пожалуйста, авторизуйтесь: