- Кёзден кетген, кёлден да кетеди.
- Аджашхан тёгерек айланыр.
- Билим ат болуб да чабар, къуш болуб да учар.
- Босагъагъа джууукъ орун болса, ашыгъыб тёрге озма.
- Окъуу – билимни ачхычы, окъуу – дунияны бачхычы.
- Сёз – кюмюш, джыр – алтын.
- Тик ёргени, тик энгишгеси да болады.
- Илму – джашауну джолу.
- Абынмазлыкъ аякъ джокъ, джангылмазлыкъ джаякъ джокъ.
- Келинин тута билмеген, къул этер, къызын тута билмеген, тул этер.
- Ургъан суудан башынгы сакъла.
- Адеб базарда сатылмаз.
- Билим къая тешер.
- Ашыкъгъан cуу, тенгизге джетмез.
- Суугъа – таянма, джаугъа – ийнанма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ариу джол аджал келтирмез.
- Аз айтсам, кёб ангылагъыз.
- Телиге акъыл салгъандан эсе, ёлгеннге джан салырса.
- Иги болса, тамадама – махтау, аман болса, меннге – айыб.
- Ариу сёз джыланны орнундан чыгъарыр.
- Иесиз малны бёрю ашар.
- Кёз – сюйген джерде, къол – ауругъан джерде.
- Телиге от эт десенг, юйюнге от салыр.
- Джангыз терек къынгыр ёсер.
- Кийимни бир кюнню аясанг, минг кюннге джарар.
- Айырылгъанланы айю ашар, бёлюннгенлени бёрю ашар.
- Сабийни джумушха джибер да, ызындан бар.
- «Ёгюз, джаргъа джууукъ барма, меннге джюк боллукъса», - дегенди эшек.
- Кирсизни – саны таза, халалны – къаны таза.
- Мураты болгъанны джюрек тебюую башхады.
- Эринчекге кюн узун.
- Къарт болгъан джерде, берекет болур, сабий болгъан джерде, оюн болур.
- Сакъ юйюне сау барыр.
- Къоркъакъны кёзю экили кёрюр.
- Игини сыйлагъан адетди.
- Тау башында, тау болмаз, джангыз терек, бау болмаз.
- Чомарт къонакъ юй иесин сыйлар.
- Алтыннга тот къонмаз.
- Дженгил джетерикме деб, узун джолну къоюб, къысхасын барма.
- Иги джашны ышаны – аз сёлешиб, кёб тынгылар.
- Киштикге къанат битсе, чыпчыкъ къалмаз эди.
- Окъугъанны бети джарыкъ.
- Алим болгъандан эсе, адам болгъан къыйынды.
- От кюйдюрген, сау болса да, тот кюйдюрген, сау болмаз.
- Джаханимни кёрмей, джандетге кёл салмазса.
- Сагъышы джокъ – джукъучу, акъылы джокъ – къаугъачы.
- Къумурсхала джыйылсала, пилни да джыгъадыла.
- Тилсиз миллет джокъ болур.
- Къатын къылыкъсыз, эр тынчлыкъсыз.
Ошибка!
Для просмотра темы введите ваши логин и пароль.Пожалуйста, авторизуйтесь: