- Зар адамны насыбы болмаз.
- Терслик кетер, тюзлюк джетер.
- Байлыкъ адамны сокъур этер.
- Айыбны суу бла джууалмазса.
- Ёнгкюч къууана барыр, джылай келир.
- Къарнынг къанлынга кийирир.
- Джолда аягъынга сакъ бол, ушакъда тилинге сакъ бол.
- Кесине гебен этелмеген, биреуге черен эте эди.
- Мухардан ач ычхынмаз.
- Татлы тилде – сёз ариу, чемер къолда – иш ариу.
- Ышармагъан – кюлмез, кюлмеген – къууанчны билмез.
- Сыфатында болмагъаны, суратында болмаз.
- Суу ичген шауданынга тюкюрме.
- Джаралыны джастыгъында сау ёлюр.
- Ашатыргъа иш – ашхы, ишлетирге аш – ашхы.
- Окъугъанны бети джарыкъ.
- Хата – гитчеден.
- Шапа кёб болса, аш татымсыз болур.
- Аз айтсам, кёб ангылагъыз.
- Ишни аллы бла къууанма да, арты бла къууан.
- Билген билмегенни юретген адетди.
- Эринчекге кюн узун.
- Ашлыкъны арба юйге келтирир, чана базаргъа элтир.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Битмегеннге сакъал – танг.
- Адамны сабийин сюйген джюреги, бычакъча, джитиди.
- Къумурсхала джыйылсала, пилни да джыгъадыла.
- Экеулен сёлеше тура эселе, орталарына барыб кирме.
- Акъыллы эркиши атын махтар, акъылсыз эркиши къатынын махтар.
- Джарашыу сюйген – джалынчакъ.
- Тёрде – темир таякълы, къаяда – чыпчыкъ аякълы.
- Келлик заман – къартлыкъ келтирир, кетген заман – джашлыкъ ёлтюрюр.
- Дженгил джетерикме деб, узун джолну къоюб, къысхасын барма.
- Джерни букъусу кёкге къонмаз.
- Тюзню ётмеги тюзде къалса да, тас болмаз.
- Ёксюзню тилеги къабыл болур.
- Мал ёлсе, сюек къалыр, адам ёлсе, иши къалыр.
- Кёз – сюйген джерде, къол – ауругъан джерде.
- Къошда джокъгъа – юлюш джокъ.
- Ишленмеген джаш – джюгенсиз ат, ишленмеген къыз – тузсуз хант.
- Тойгъанлыкъ къойгъа джарашады.
- Юре билмеген ит, къонакъ келтирир.
- Башсыз урчукъ тюзюне айланмаз.
- Кёл ашады да, кеси ашады.
- Агъач – джерни чырайы, кийим – эрни чырайы.
- Биреу ашаб къутулур, биреу джалаб тутулур.
- Джаш къарыу бла кючлю, къарт акъыл бла кючлю.
- Кечеси – аяз, кюню – къыш, джарлы къаргъагъа бир аш тюш!
- Чомартны къолун джокълукъ байлар.
- Эр абынмай, эл танымаз.
Ошибка!
Для просмотра темы введите ваши логин и пароль.Пожалуйста, авторизуйтесь: