- Кёбге таш атма.
- Тюзню ётмеги тюзде къалса да, тас болмаз.
- Ашхы адам – халкъ байлыгъы, ашхы джер – джашау байлыгъы.
- Элни кючю – эмеген.
- Эте билген, этген этеди, эте билмеген, юретген этеди!
- Къолунгдан къуймакъ ашатсанг да, атаны борчундан къутулмазса.
- Aдам боллукъ, сыфатындан белгили.
- Ашаса, ашамаса да, бёрюню ауузу – къан.
- Билмезни кёзю кёрмез, этмезни къулагъы эшитмез.
- Адам сёзюнден белгили.
- Чабакъгъа акъыл, табагъа тюшсе келеди.
- Чакъырылмагъан къонакъ къачан кетерин сормаз.
- Ишленмеген джаш – джюгенсиз ат, ишленмеген къыз – тузсуз хант.
- Иги болса, тамадама – махтау, аман болса, меннге – айыб.
- Джарлыны тону джаз битер.
- Сабыр джетер муратха, сабырсыз къалыр уятха.
- Игиге айтсанг – билир, аманнга айтсанг – кюлюр.
- Гитче джилтин уллу элни джандырыр.
- Кимни – тили, тиши онглу, кимни – къолу, иши онглу.
- Мухардан ач ычхынмаз.
- Намысы джокъну – дуниясы джокъ.
- Тура эдим джата, къайдан чыкъды хата?
- Чабакъсыз кёлге къармакъ салгъанлыкъгъа, чабакъ тутмазса.
- Ачны эсинде – аш.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Таякъ этден ётер, тил сюекден ётер.
- Таугъа чыгъаллыкъ эсенг, тюзде къалма.
- Къанны къан бла джуума, аманны аман бла къуума.
- Чомарт къонакъ юй иесин сыйлар.
- Тау башында, тау болмаз, джангыз терек, бау болмаз.
- Аманны эки битли тону болур, бирин сеннге кийдирир, бирин кеси киер.
- Шекер бла туз – бир болмаз, ушамагъан – юй болмаз.
- Илму – джашауну джолу.
- Къонагъы джокъну – шоху джокъ.
- Борчунг бар эсе, хурджунунга ойлаб узал.
- Къонакъны къачан кетерин сорма, къачан келлигин сор.
- Термилгенинги табмазса, кюлгенинге тюберсе.
- Айран ичген – къутулду, джугъусун джалагъан – тутулду.
- Татлы тилде – сёз ариу, чемер къолда – иш ариу.
- Телиге акъыл салгъандан эсе, ёлгеннге джан салырса.
- Сабийни джумушха джибер да, ызындан бар.
- Аллахха ийнаннган кишини, Аллах онгдурур ишин.
- Ашыкъгъанны этеги бутуна чырмалыр.
- Кесинге джетмегенни, кёб сёлешме.
- Адам сёзге тынгыла, акъыл сёзню ангыла.
- Тюкюрюк баш джармаз, налат кёз чыгъармаз!
- Таукел адам тау тешер.
- Къарны аманнга къазан такъдырма, къолу аманнга от джакъдырма.
- Сёз сёзню айтдырыр.
- Тойгъан антын унутур.
Ошибка!
Для просмотра темы введите ваши логин и пароль.Пожалуйста, авторизуйтесь: