- Джарлы эскисин джамаса, къууаныр.
- Кютгени беш эчки, сызгъыргъаны уа, джерни джарады.
- Ёнгкюч къууана барыр, джылай келир.
- Аз сёлеш, кёб ишле.
- Таукел адам тау тешер.
- Ачлыкъ отха секиртир.
- Накъырданы арты керти болур.
- Чакъырылгъанны аты, чакъырылмагъанны багъасы болур.
- Ёлмесенг да, къарт дамы болмазса?
- Ойнай-ойнай кёз чыгъар.
- Рысхы джалгъанды: келген да этер, кетген да этер.
- Тил – миллетни джаны.
- Сабийни джумушха джибер да, ызындан бар.
- Гыдай эчки суугъа къараб, мюйюзле кёрмесе, джашма алкъын, дегенди.
- Кёб къычыргъандан – къоркъма, тынч олтургъандан – къоркъ.
- Адебни адебсизден юрен.
- Бёрю да ач къалмасын, эчки да ашалмасын.
- Суугъа – чабакъ, къаягъа – ыргъакъ.
- Сагъышы джокъ – джукъучу, акъылы джокъ – къаугъачы.
- Джигер – джаннга къыйынлыкъ.
- Билеги кючлю, бирни джыгъар, билими кючлю, мингни джыгъар.
- Ашаса, ашамаса да, бёрюню ауузу – къан.
- Ариу джол аджал келтирмез.
- Орундукъ тюбюнде атылсам да, орта джиликме, де да айлан.
- Иги адамны бир сёзю эки болмаз.
- Тамырсыз терекге таянма – джыгъылырса.
- Байлыкъдан саулукъ ашхыды.
- Ханнга да келеди хариблик.
- Билмейме деген – бир сёз
- Хоншуну тауугъу къаз кёрюнюр, келини къыз кёрюнюр.
- Ётген ёмюр – акъгъан суу.
- Ашхылыкъ джерде джатмайды, аманлыкъ суугъа батмайды.
- Ханы къызы буюгъа-буюгъа киштик болду.
- Эркишиге тары кебек танг кёрюнюр.
- Тойгъан джерден туугъан джер игиди.
- Алтыда кюлмеген, алтмышда кюлмез.
- Татлы тилде – сёз ариу, чемер къолда – иш ариу.
- Ач къарным, тынч къулагъым.
- Тёрени джагъы джокъ.
- Булут кёкге джарашыу, уят бетге джарашыу.
- Къайгъыны сюйген, къайгъы табар.
- Тил – кесген бычакъ, сёз – атылгъан окъ.
- Айыбны суу бла джууалмазса.
- Ким бла джюрюсенг, аны кёзю бла кёрюнюрсе.
- Кёб джашагъан – кёб билир.
- Иги сеники эсе да, сюйген кесимикин этеме.
- Кесине оноу эте билмеген, халкъына да эте билмез.
- Аллахдан тилесенг, кёб тиле.
- Джашда акъыл джокъ, къартда къарыу джокъ.
- Уллу суу бла уллу ауруудан башынгы сакъла.
Ошибка!
Для просмотра темы введите ваши логин и пароль.Пожалуйста, авторизуйтесь: