- Айран тёгюлсе, джугъусу къалыр.
- Бал – татлы, балдан да бала – татлы.
- Термилгенинги табмазса, кюлгенинге тюберсе.
- Къар – келтирди, суу – элтди.
- Ата – билек, ана – джюрек!
- Къонакъ хазыр болгъанлыкъгъа, къонакъбай хазыр тюлдю.
- Бичгенде ашыкъма, тикгенде ашыкъ.
- Келлик заман – къартлыкъ келтирир, кетген заман – джашлыкъ ёлтюрюр.
- Джети тилни билген джети кишиди.
- Аджашхан тёгерек айланыр.
- Экиндини кеч къылсанг, чабыб джетер ашхам.
- Тенгни тенглиги джашай барсанг билинир.
- Ишлерге уял да, ашаргъа табма.
- Тёрени джагъы джокъ.
- Чакъырылмай келген къонакъ сыйланмай кетер.
- Хоншуну тауугъу къаз кёрюнюр, келини къыз кёрюнюр.
- Джылар джаш, атасыны сакъалы бла ойнар.
- Къарнынг къанлынга кийирир.
- Джолунга кёре – джюрюшюнг, джагъанга кёре – юлюшюнг.
- Окъугъанны бети джарыкъ.
- Къан бла кирген, джан бла чыгъар.
- Нафысынгы айтханын этме, намысынгы айтханын эт.
- Бек ашыкъгъан меннге джетсин, дегенди аракъы.
- Аманнга да, игиге да оноусуз къатышма.
- Кюл тюбюндеги от кёрюнмейди.
- Байлыкъ болгъан джерде, тынчлыкъ джокъду.
- Акъдан къара болмаз.
- Эки итни арасына сюек атма, эки адамны арасында сёз чыгъарма.
- Ёнгкюч къууана барыр, джылай келир.
- Атлыны кёрсе, джаяуну буту талыр.
- Къартны бурнун сюрт да, оноугъа тут.
- Джумушакъ сёз къаты таякъны сындырыр.
- Аман адам этегингден тутса, кес да къач.
- Оюмсуз атлагъан, аджалсыз ёлюр.
- Ач – эснер, ат – кишнер.
- Биреуге аманлыкъны тилеме да, кесинге ашхылыкъны тиле.
- Экеу тутушса, биреу джыгъылыр.
- Таукел къуру къалмаз.
- Тойгъан джерден туугъан джер игиди.
- Аякъларынгы джууургъанынга кёре узат.
- Агъач – джерни чырайы, кийим – эрни чырайы.
- Акъыл къартда, джашда тюйюлдю – башдады.
- Аман къатын алгъан, арыр, иги къатын алгъан джарыр.
- Хар сёзню орну барды.
- Джол бла сёзню къыйыры джокъ.
- Адебни адебсизден юрен.
- Ургъан суудан башынгы сакъла.
- Кийим тукъум сордурур.
- Ариу сёз аурууунгу алыр.
- Борчунг бар эсе, хурджунунга ойлаб узал.
Ошибка!
Для просмотра темы введите ваши логин и пароль.Пожалуйста, авторизуйтесь: