- «Ма», - дегенни билмесенг, «бер», - дегенни билмезсе.
- Джарлы тюеге минсе да, ит къабар.
- Ёксюзню къалачы уллу кёрюнюр.
- Эркиши – от, тиширыу – суу.
- Ишлемеген – тишлемез.
- Эки къатын алгъан – эки ташны ортасына башын салгъан.
- Аман адам элни бир-бирине джау этер.
- Болджал ишни бёрю ашар.
- Юре билмеген ит, къонакъ келтирир.
- Тамчы таш тешер.
- Къарт айтханны этмеген, къартаймаз.
- Къулакъдан эсе, кёзге ышан.
- Эринчекни эр алмаз, эр алса да, кёл салмаз, кёл салса да, кёб бармаз!
- Намыс болмагъан джерде, насыб болмаз.
- Зар адам ашынгы ашар, кесинги сатар.
- Акъыллы айтыр эди, акъылсыз къоймайды.
- Аман къатын сабий табса, бий болур…
- Игини сыйлагъан адетди.
- Джюрекге ариу – кёзге да ариу.
- Термилгенинги табмазса, кюлгенинге тюберсе.
- Гыдай эчки суугъа къараб, мюйюзле кёрмесе, джашма алкъын, дегенди.
- Таукел къуру къалмаз.
- Тыш элде солтан болгъандан эсе, кесинги элде олтан болгъан игиди!
- Бек ашыкъгъан меннге джетсин, дегенди аракъы.
- Аман хансны – урлугъу кёб.
- Аман къатын алгъан, арыр, иги къатын алгъан джарыр.
- Хантына кёре тузу, юйюне кёре къызы.
- Кёб джат да, бек чаб.
- Къозулугъунда тоймагъан, къойлугъунда тоймаз.
- Окъумагъан сокъурду, сокъур ташха абыныр!
- Джаным-тиним – окъуу, билим.
- Этек чакъмакълары баш джаргъан, сёлешген сёзлери таш джаргъан.
- Кюл тюбюндеги от кёрюнмейди.
- Керек ташны ауурлугъу джокъ.
- Байны оноуу, джарлыгъа джарамаз.
- Окъуусуз билим – джокъ, билимсиз кюнюнг – джокъ.
- Дууулдаса – бал чибин, къонса – къара чибин.
- Ханнга да келеди хариблик.
- Экеулен сёлеше тура эселе, орталарына барыб кирме.
- Акъыллы – эл иеси, тели – эл баласы.
- Байлыкъ келсе, акъыл кетер.
- Айтылгъан сёз ызына къайтмаз.
- Ушамагъан – джукъмаз.
- Тамырсыз терекге таянма – джыгъылырса.
- Адам туугъан джеринде, ит тойгъан джеринде.
- Тас болгъан бычакъны сабы – алтын.
- Суу ичген шауданынга тюкюрме.
- Чомартха Тейри да борчлуду.
- Бет бетге къараса, бет да джерге къарар.
- Биреуню къыйынлыгъы бла кесинге джол ишлеме.
Ошибка!
Для просмотра темы введите ваши логин и пароль.Пожалуйста, авторизуйтесь: