- Ата Джуртча джер болмаз, туугъан элча эл болмаз.
- Джумушакъ сёз къаты таякъны сындырыр.
- Бастасын ашагъан, хантусун да ичер.
- Окъ къызбайны джокълайды.
- Терек ауса, отунчу – кёб.
- Ёзденликни кёбю ётюрюк.
- Къарыусузгъа кюлме, онгсузгъа тийме.
- Къралынгы – душмандан, башынгы от бла суудан сакъла.
- Эринчекге кюн узун.
- Къыз тиширыу кеси юйюнде да къонакъды.
- Хар адамгъа кеси миннген тау кибик.
- Ата – баланы уясы.
- Акъыл аздырмаз, билим тоздурмаз.
- Иги – алгъыш этер, аман – къаргъыш этер.
- Кёзню ачылгъаны – иги, ауузну джабылгъаны – иги.
- Таугъа чыгъаллыкъ эсенг, тюзде къалма.
- Къар – келтирди, суу – элтди.
- Баш болса, бёрк табылыр.
- Эртде тургъан бла эртде юйленнген сокъуранмаз.
- Насыблы элин сюер, насыбсыз кесин сюер.
- Аманнга да, игиге да оноусуз къатышма.
- Тюкюрюк баш джармаз, налат кёз чыгъармаз!
- Терслик кетер, тюзлюк джетер.
- Ач уят къоймаз.
- Къызны минг тилер, бир алыр.
- Хата – гитчеден.
- Тил джюрекге джол ишлейди.
- Кёз – сюйген джерде, къол – ауругъан джерде.
- Кютгени беш эчки, сызгъыргъаны уа, джерни джарады.
- Уллу къазанда бишген эт, чий къалмаз.
- Джашны джигитлиги сорулур, къызны джигерлиги сорулур.
- Минг тенг да азды, бир джау да кёбдю.
- Ач къарынны, токъ билмез
- Тенгинг джокъ эсе – изле, бар эсе – сакъла!
- Ашхы сёз таш тешер.
- Къарны аманнга къазан такъдырма, къолу аманнга от джакъдырма.
- Адебни адебсизден юрен.
- Ашарыкъда сайлагъаннга – чий гырджын.
- Ётюрюкню къуйругъу – бир тутум.
- Ёзденликни джайгъан – джокълукъ.
- Сютден ауузу кюйген, суугъа юфгюре эди.
- Кёлю джокъну – джолу джокъ.
- Сыфатында болмагъаны, суратында болмаз.
- Тик ёргени, тик энгишгеси да болады.
- Ишин билген, аны сыйын чыгъарады.
- Эркишини аманы тиширыуну джылатыр.
- Къумурсхала джыйылсала, пилни да джыгъадыла.
- Хатерли къул болур.
- Aдам боллукъ, сыфатындан белгили.
- Байлыкъ болгъан джерде, тынчлыкъ джокъду.
Ошибка!
Для просмотра темы введите ваши логин и пароль.Пожалуйста, авторизуйтесь: