- Къумурсхала джыйылсала, пилни да джыгъадыла.
- Къар – келтирди, суу – элтди.
- Кёб ант этген, кёб ётюрюк айтыр.
- Этни да ашады, бетни да ашады.
- Башы ишлегенни, ауузу да ишлер.
- Биреуню эскиси биреуге джангы болмайды.
- Чабакъсыз кёлге къармакъ салгъанлыкъгъа, чабакъ тутмазса.
- Сагъышы джокъ – джукъучу, акъылы джокъ – къаугъачы.
- Тюзлюк шохлукъну бегитир.
- Ата Джуртча джер болмаз, туугъан элча эл болмаз.
- Тойгъанлыкъ къойгъа джарашады.
- Къанны къан бла джуума, аманны аман бла къуума.
- Ариу сёз джыланны орнундан чыгъарыр.
- Ханнга да келеди хариблик.
- Рысхы – сют юсюнде кёмюк кибикди.
- Экиндини кеч къылсанг, чабыб джетер ашхам.
- Эрни эр этерик да, къара джер этерик да, тиширыуду.
- Тамбла алтындан бюгюн багъыр ашхы.
- Келинни – келгинчи, бёркню кийгинчи кёр.
- Ёлмесенг да, къарт дамы болмазса?
- Бичгенде ашыкъма, тикгенде ашыкъ.
- Кесинге джетмегенни, кёб сёлешме.
- Джырчы джырчыгъа – къарнаш.
- Тюкюрюк баш джармаз, налат кёз чыгъармаз!
- Харам къарнашдан, халал тенг ашхы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аман киши кеси юйюнде – къонакъ.
- Татлы сёз – балдан татлы.
- Ишленмеклик адамлыкъды.
- Дууулдаса – бал чибин, къонса – къара чибин.
- Тёзгеннге, джабылгъан эшик ачылыр.
- Арбаз сайлама да, хоншу сайла.
- Элни кючю – эмеген.
- Айтылгъан буйрукъ, сёгюлмез
- Сютню башын джалагъан къутулур, тюбюн ичген тутулур.
- Аурууну келиую тынч, кетиую – къыйын.
- От кюйдюрген, сау болса да, тот кюйдюрген, сау болмаз.
- Аман хансны – урлугъу кёб.
- Ашына кёре табагъы, балына кёре къалагъы.
- Ичимден чыкъды хата, къайры барайым сата?
- Ач да бол, токъ да бол – намысынга бек бол.
- Тели турса – той бузар.
- Джылар джаш, атасыны сакъалы бла ойнар.
- Эркиши – от, тиширыу – суу.
- Адамны аманы адамны бети бла ойнар.
- Таякъ этден ётер, тил сюекден ётер.
- Сакъалы текени да бар, мыйыгъы киштикни да бар.
- Къошда джокъгъа – юлюш джокъ.
- Джол бла сёзню къыйыры джокъ.
- Бастасын ашагъан, хантусун да ичер.
Ошибка!
Для просмотра темы введите ваши логин и пароль.Пожалуйста, авторизуйтесь: