- Ачыу алгъа келсе, акъыл артха къалады.
- Хазыр ашха – терен къашыкъ.
- Иги бла джюрюсенг, джетерсе муратынга, аман бла джюрюсенг, къалырса уятха.
- Билим – акъылны чырагъы.
- Иги адам абынса да, джангылмаз.
- Суугъа – чабакъ, къаягъа – ыргъакъ.
- Дууулдаса – бал чибин, къонса – къара чибин.
- Дуния мал дунияда къалады.
- Келлик заман – къартлыкъ келтирир, кетген заман – джашлыкъ ёлтюрюр.
- Зарда марда джокъ.
- Ач къарным, тынч къулагъым.
- Сютден ауузу кюйген, суугъа юфгюре эди.
- Ач къалгъандан, кеч къалгъан къолай.
- Шапа кёб болса, аш татымсыз болур.
- Эл бла кёргенинг эрелей.
- Сагъышы джокъ – джукъучу, акъылы джокъ – къаугъачы.
- Джюрекден джюрекге джол барды.
- Термилгенинги табмазса, кюлгенинге тюберсе.
- Эрине къаргъыш этген къатын, эрнин къабар.
- Къонакъ хазыр болгъанлыкъгъа, къонакъбай хазыр тюлдю.
- Аманны эки битли тону болур, бирин сеннге кийдирир, бирин кеси киер.
- Тойгъанлыкъ къойгъа джарашады.
- Къонагъы джокъну – шоху джокъ.
- Ач къарынны, токъ билмез
- Кёб къычыргъандан – къоркъма, тынч олтургъандан – къоркъ.
- Тёзгеннге, джабылгъан эшик ачылыр.
- Келинин тута билмеген, къул этер, къызын тута билмеген, тул этер.
- Эшекге миннген – биринчи айыб, андан джыгъылгъан – экинчи айыб.
- Тюзлюк шохлукъну бегитир.
- Керилген да, ургъан кибикди.
- Джаш болсун, къыз болсун, акъылы, саны тюз болсун.
- Айныгъанлы алты кюн, тогъайгъанлы тогъуз кюн.
- Мен да «сен», дейме, сен да «кесим», дейсе.
- Терек ауса, отунчу – кёб.
- Азыкъ аз болса, эртде орун сал.
- Иги джашны ышаны – аз сёлешиб, кёб тынгылар.
- Аджашхан тёгерек айланыр.
- Тешигини къатында, чычхан да батыр болур.
- Ашхылыкъ джерде джатмайды, аманлыкъ суугъа батмайды.
- Эл ауузу – элия.
- Адебни адебсизден юрен.
- Акъыл бла адеб эгизледиле.
- Ауругъанны сау билмез, ач къарынны токъ билмез.
- Сууда джау джокъ, кёб сёзде магъана джокъ.
- Эртде тургъан джылкъычыны эркек аты тай табар.
- Къарт бла баш аша, джаш бла аякъ аша.
- Къартны бурнун сюрт да, оноугъа тут.
- Этим кетсе да, сюегим къалыр.
- Баш – акъыл ючюн, акъылман – халкъ ючюн.
- Ётюрюкню къуйругъу – бир тутум.
Ошибка!
Для просмотра темы введите ваши логин и пароль.Пожалуйста, авторизуйтесь: