- Кюн кёрмеген, кюн кёрсе, кюндюз чыракъ джандырыр.
- Тас болгъан бычакъны сабы – алтын.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ачлыкъда тары гырджын халыуадан татлы.
- Ач келгенни – тойдур, кеч келгенни – къондур.
- Къонакъны къачан кетерин сорма, къачан келлигин сор.
- Адамны аты башхача, акъылы да башхады.
- Ёгюзню мюйюзюнден тутадыла, адамны сёзюнден тутадыла.
- Аман къатын сабий табса, бий болур…
- Атлыны ашхысы, ат тизгининден билинир
- Сютден ауузу кюйген, суугъа юфгюре эди.
- Аз айтсам, кёб ангылагъыз.
- Кёлю джокъну – джолу джокъ.
- Терек ауса, отунчу – кёб.
- Ёлген ийнек сютлю болур.
- Таш бла ургъанны, аш бла ур.
- Тил – миллетни джаны.
- Джумушакъ сёз къаты таякъны сындырыр.
- Ётюрюкню башын керти кесер.
- Башсыз урчукъ тюзюне айланмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Гыдай эчки суугъа къараб, мюйюзле кёрмесе, джашма алкъын, дегенди.
- Таукел тауну аудурур.
- Билим ат болуб да чабар, къуш болуб да учар.
- Кечеси – аяз, кюню – къыш, джарлы къаргъагъа бир аш тюш!
- Джашны джигитлиги сорулур, къызны джигерлиги сорулур.
- Мал тутхан – май джалар.
- Юйюнгден чыкъдынг – кюнюнгден чыкъдынг.
- Сабий кёргенин унутмаз.
- Джылкъыдан – ат чыгъар, тукъумдан – джаш чыгъар.
- Бети бедерден, намыс сакълама.
- Байдан умут эте, джарлыдан ёгюз багъасы къорады.
- «Ёгюз, джаргъа джууукъ барма, меннге джюк боллукъса», - дегенди эшек.
- Къартха ушагъан джаш – акъыллы, джашха ушагъан къарт – тели.
- Къазанны башы ачыкъ болса, итге уят керекди.
- Хата – гитчеден.
- Билеги кючлю, бирни джыгъар, билими кючлю, мингни джыгъар.
- Айтхан – тынч, этген – къыйын.
- Байлыкъдан саулукъ ашхыды.
- Ётюрюкчюню шагъаты – къатында.
- Алим болгъандан эсе, адам болгъан къыйынды.
- Ата – баланы уясы.
- Азыкълы ат арымаз, къатыны аман джарымаз.
- Эл ауузу – элек, анга ийнаннган – халек.
- Байны къызы баймакъ болса да, юйде къалмаз!
- Термилгенинги табмазса, кюлгенинге тюберсе.
- Ауругъанны сау билмез, ач къарынны токъ билмез.
- Таукел адам тау тешер.
- Акъыл сабырлыкъ берир.
- Азыгъы аз, алгъа къабар, аты аман, алгъа чабар.
Ошибка!
Для просмотра темы введите ваши логин и пароль.Пожалуйста, авторизуйтесь: