- Бозанг болмагъан джерге, къалагъынгы сукъма.
- Адамны бетине къарама, адетине къара.
- Ёлмесенг да, къарт дамы болмазса?
- Аманны эки битли тону болур, бирин сеннге кийдирир, бирин кеси киер.
- Хатерли къул болур.
- Тили узунну, намысы – къысха.
- Накъырда – кертини келечиси.
- Бек анасы джыламаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кеси юйюмде мен да ханма.
- Ишге юренсин къоллары, халкъ бла болсун джоллары.
- Иги бла джюрюсенг, джетерсе муратынга, аман бла джюрюсенг, къалырса уятха.
- Намысы джокъну – дуниясы джокъ.
- Тилсиз миллет джокъ болур.
- Къарыусузгъа кюлме, онгсузгъа тийме.
- Байны оноуу, джарлыгъа джарамаз.
- Билимли ёлмез, билимсиз кёрмез.
- Эркишиге тары кебек танг кёрюнюр.
- Билим – акъылны чырагъы.
- Ханнга да келеди хариблик.
- Бал – татлы, балдан да бала – татлы.
- Зар адам ашынгы ашар, кесинги сатар.
- Тюзлюк тас болмайды.
- Сескекли кесин билдирир.
- Суугъа – таянма, джаугъа – ийнанма.
- Къая джолда джортма, ачыкъ сёзден къоркъма.
- Ач отунчуну ачыуу – бурнунда.
- Юй кюйдю да, кюйюз чыкъды, ортасындан тюйюш чыкъды.
- Ётюрюкню башын керти кесер.
- Чалманны аллы къалай башланса, арты да алай барады.
- Керти сёзге тёре джокъ.
- Танг атмайма десе да, кюн къоярыкъ тюйюлдю.
- Тели турса – той бузар.
- Чёбню кёлтюрсенг, тюбюнден сёз чыгъар.
- Окъугъан озар, окъумагъан тозар.
- Зарда марда джокъ.
- Телини эшигин, махтау джабар.
- Джыйырма къойну юч джыйырма эбзе кюте эди.
- Биреуню тёрюнден, кесинги эшик артынг игиди.
- Ана къойну – балагъа джандет.
- Ёлген аслан – сау чычхан.
- Тойгъан джерден туугъан джер игиди.
- Джаралыны джастыгъында сау ёлюр.
- Къартны сыйын кёрмеген, къартлыгъында сыйлы болмаз.
- Ач къалгъандан, кеч къалгъан къолай.
- Ишни ахырын ойламай, аллын башлама.
- Джангыз торгъай джырламаз.
- Кёбге таш атма.
- Къарнынг тойгъунчу аша да, белинг талгъынчы ишле.
- Башсыз урчукъ тюзюне айланмаз.
Ошибка!
Для просмотра темы введите ваши логин и пароль.Пожалуйста, авторизуйтесь: