- Ишлегенден, къарагъан уста.
- Халкъны юйю – туугъан джери.
- Тулпарлыкъ, билекден тюл – джюрекден.
- Ачлыкъда тары гырджын халыуадан татлы.
- Эл ауузу – элия.
- Джигер – джаннга къыйынлыкъ.
- Джашны джигитлиги сорулур, къызны джигерлиги сорулур.
- Биреуню тёрюнден, кесинги эшик артынг игиди.
- Адамны сабийин сюйген джюреги, бычакъча, джитиди.
- Дуния мал дунияда къалады.
- Джиби бир къат джетмей эди да, эки къат тарта эди.
- Аманны тукъумуна къарама, игини тукъумун сорма.
- Тин – байлыгъынг, терен саулугъунг.
- Ишленмеген джаш – джюгенсиз ат, ишленмеген къыз – тузсуз хант.
- Къызгъанчдан ычхыныр, мухардан ычхынмаз.
- Тёзгеннге, джабылгъан эшик ачылыр.
- Ач бёрюге мекям джокъ.
- Аджал соруб келмез, келсе, къайтыб кетмез.
- Билмегенинги, билгеннге сор.
- Эри аманны, къатыны – аман.
- Джети тилни билген джети кишиди.
- Эм ашхы къайын ана мамукъ бла башынгы тешер.
- Туз, гырджын аша, тюзлюк бла джаша.
- Сибиртки да сыйлы болду, кюрек да кюнлю болду.
- Хазыр ашха – терен къашыкъ.
- Чарсда алчыны эл кёреди.
- Джолунга кёре – джюрюшюнг, джагъанга кёре – юлюшюнг.
- Аджашхан тёгерек айланыр.
- Айыбны суу бла джууалмазса.
- Джетген къыз джерли эшекни танымаз.
- Атадан ёксюз – бир ёксюз, анадан ёксюз – эки ёксюз.
- Адам сёзге тынгыла, акъыл сёзню ангыла.
- Акъыл сабырлыкъ берир.
- Джарлыны эшигин махтагъан джабар.
- Къарт болгъан джерде, берекет болур, сабий болгъан джерде, оюн болур.
- Аман адам этегингден тутса, кес да къач.
- Мал ёлсе, сюек къалыр, адам ёлсе, иши къалыр.
- Иги сёз – джаннга азыкъ, аман сёз башха – къазыкъ.
- Эки элинги тыйсанг, джети элде махталырса.
- Башланнган иш битер, къымылдагъан тиш тюшер.
- Сабийликде юретмесенг, уллу болса – тюзелмез.
- Джаш къарыу бла кючлю, къарт акъыл бла кючлю.
- Къаллай салам берсенг, аллай джууаб алырса.
- Суу кетер, таш къалыр.
- Кёрмегеннге кебек – танг, битмегеннге сакъал – танг.
- Дуния малгъа сатылма, кесингден телиге къатылма.
- Ашыкъгъан cуу, тенгизге джетмез.
- Иги адамны бир сёзю эки болмаз.
- Тюзню ётмеги тюзде къалса да, тас болмаз.
- Джырына кёре эжиую.
Ошибка!
Для просмотра темы введите ваши логин и пароль.Пожалуйста, авторизуйтесь: