- Гугурук къычырмаса да, тангны атары къалмаз.
- Азыгъы аз, алгъа къабар, аты аман, алгъа чабар.
- Кёлю джокъну – джолу джокъ.
- Бети къызарыучу адамны, джюреги харам болмаз.
- Къалгъан ишге къар джауар.
- Адам боллукъ, атламындан белгили болур.
- Атлыны кёрсе, джаяуну буту талыр.
- Иги джашны ышаны – аз сёлешиб, кёб тынгылар.
- Адам къыйынлыгъын кёлтюрюр, зауукълугъун кёлтюрмез.
- Агъач халкъгъа алтынды, иссиликге салкъынды.
- Намыс болмагъан джерде, насыб болмаз.
- Биреу къой излей, биреу той излей.
- Насыб бютеу халкъны юлюшюдю.
- Кёб къычыргъандан – къоркъма, тынч олтургъандан – къоркъ.
- Ашыкъгъанны этеги бутуна чырмалыр.
- Иесиз малны бёрю ашар.
- Къатыны харакетли болса, эри къымсыз болур.
- Сабийни джумушха джибер да, ызындан бар.
- Бал ашаргъа сюе эсенг, чибин ургъаннга тёз.
- Эркишиге тары кебек танг кёрюнюр.
- Адамны бетине къарама, адетине къара.
- Элде адам къалмаса, ит тахтагъа минер.
- Къарнынг къанлынга кийирир.
- Аман адам элни бир-бирине джау этер.
- Тулпарлыкъ, билекден тюл – джюрекден.
- Уллу айтханны этмеген – уллаймаз.
- Къыйынлы джети элни къайгъысын этер.
- Тёзген – тёш ашар!
- Бет бетге къараса, бет да джерге къарар.
- Сёз сёзню айтдырыр.
- Аш иеси бла татлыды.
- Ёксюзню къалачы уллу кёрюнюр.
- Аллахдан тилесенг, кёб тиле.
- Чыбыкълыкъда бюгюлмеген, къазыкълыкъда бюгюлмей эди.
- Ачлыкъ отха секиртир.
- Тил бла келеди джыр да.
- Джиби бир къат джетмей эди да, эки къат тарта эди.
- Кёзюнде тереги болгъан, чёбю болгъаннга кюле эди.
- Ёнгкюч къууана барыр, джылай келир.
- Эринчекни эр алмаз, эр алса да, кёл салмаз, кёл салса да, кёб бармаз!
- Гырджын – тепсини тамадасы.
- Аманны эки битли тону болур, бирин сеннге кийдирир, бирин кеси киер.
- Битмегеннге сакъал – танг.
- Баргъанынга кёре болур келгенинг.
- Зар адам ашынгы ашар, кесинги сатар.
- Тёзгеннге, джабылгъан эшик ачылыр.
- Этни да ашады, бетни да ашады.
- Айран тёгюлсе, джугъусу къалыр.
- Къыйынлы джети элге оноу этер.
- Ауругъаннга – кийик саулукъ, джетген къызгъа – чилле джаулукъ.
Ошибка!
Для просмотра темы введите ваши логин и пароль.Пожалуйста, авторизуйтесь: