- Агъач – джерни чырайы, кийим – эрни чырайы.
- Бир абыннган – минг сюрюнюр.
- Адамны аманы адамны бети бла ойнар.
- Адам къыйынлыгъын кёлтюрюр, зауукълугъун кёлтюрмез.
- Керилген да, ургъан кибикди.
- Ёксюзню тилеги къабыл болур.
- Таш ата билмеген, башына урур.
- Игиге айтсанг – билир, аманнга айтсанг – кюлюр.
- Бозанг болмагъан джерге, къалагъынгы сукъма.
- Кёл – къызбай, къол – батыр.
- Окъумагъан сокъурду, сокъур ташха абыныр!
- Тюкюрюк баш джармаз, налат кёз чыгъармаз!
- Игини сыйлагъан адетди.
- Ашлыкъ – бюртюкден, джюн – тюкден.
- Къызын тута билмеген, тул этер, джашын тута билмеген, къул этер.
- Арба аугъандан сора, джол кёргюзтюучю кёб болур.
- Элиб деген, элге болушур.
- Акъыллы – эл иеси, тели – эл баласы.
- Тамчы таш тешер.
- Азыкъ аз болса, эртде орун сал.
- Джарашыу сюйген – джалынчакъ.
- Джарлы эскисин джамаса, къууаныр.
- Тойгъан джерге джети къайт.
- Ётюрюкчюню шагъаты – къатында.
- Ишни аллы бла къууанма да, арты бла къууан.
- Аман къатын сабий табса, бий болур…
- Адеб джокъда, намыс джокъ.
- Айныгъанлы алты кюн, тогъайгъанлы тогъуз кюн.
- Чалманны аллы къалай башланса, арты да алай барады.
- Къонагъы джокъну – шоху джокъ.
- Джангыз терек къынгыр ёсер.
- Билеги кючлю, бирни джыгъар, билими кючлю, мингни джыгъар.
- Эри аманны, къатыны – аман.
- Бал – татлы, балдан да бала – татлы.
- Асхат ашлыкъ сата, юйдегиси ачдан къата.
- Айтылгъан буйрукъ, сёгюлмез
- Тилчиден кери бол.
- Атынг аманнга чыкъгъандан эсе, джанынг тамагъынгдан чыкъсын.
- Джуртун къоругъан озар.
- Аз айтсам, кёб ангылагъыз.
- Ашына кёре табагъы, балына кёре къалагъы.
- Къатын байлыкъны сюер, эр саулукъну сюер.
- Сангырау къулакъ эл бузар.
- Джаралыны джастыгъында сау ёлюр.
- Адам сёзге тынгыла, акъыл сёзню ангыла.
- Зар адам ашынгы ашар, кесинги сатар.
- Джукъу тёшек сайламайды.
- Ушамагъан – джукъмаз.
- Ач келгенни – тойдур, кеч келгенни – къондур.
- Ата Джуртун танымагъан, атасын да танымаз.
Ошибка!
Для просмотра темы введите ваши логин и пароль.Пожалуйста, авторизуйтесь: