- Ишни ахырын ойламай, аллын башлама.
- Элде адам къалмаса, ит тахтагъа минер.
- Тойгъандан сора, ашны сёкме.
- Билмегенинги, билгеннге сор.
- Джаным-тиним – окъуу, билим.
- Чыкълы кюнде чыкъмагъан, чыкъса къуру кирмеген.
- Сууда джау джокъ, кёб сёзде магъана джокъ.
- Мал кёб болса, джууукъ кёб болур.
- Къыз чыгъаргъан – къызыл къымжа.
- Сагъышы джокъ – джукъучу, акъылы джокъ – къаугъачы.
- Аман къатын сабий табса, бий болур…
- Къартха ушагъан джаш – акъыллы, джашха ушагъан къарт – тели.
- Кёзню ачылгъаны – иги, ауузну джабылгъаны – иги.
- Тёзген – тёш ашар!
- Кёб къычыргъандан – къоркъма, тынч олтургъандан – къоркъ.
- Хаухну атма, ёнгкючню сатма.
- Адам сёзге тынгыла, акъыл сёзню ангыла.
- Эринчекни аурууу – кёб.
- Джаш болсун, къыз болсун, акъылы, саны тюз болсун.
- Этни да ашады, бетни да ашады.
- Къанны къан бла джуума, аманны аман бла къуума.
- Аджашханны ызындагъы кёреди, джангылгъанны джанындагъы биледи.
- Байлыкъ адамны сокъур этер.
- Чомартха Тейри да борчлуду.
- Мадар болса, къадар болур.
- Аджашхан тёгерек айланыр.
- Джырчы джырчыгъа – къарнаш.
- Кёбден умут этиб, аздан къуру къалма.
- Джарашыу сюйген – джалынчакъ.
- Къайтырыкъ эшигинги, къаты уруб чыкъма.
- Къарны аманнга къазан такъдырма, къолу аманнга от джакъдырма.
- Алтыда кюлмеген, алтмышда кюлмез.
- Тюзню ётмеги тюзде къалса да, тас болмаз.
- Арба аугъандан сора, джол кёргюзтюучю кёб болур.
- Адамны аманы адамны бети бла ойнар.
- Джыланны къуйругъундан басарынг келсе, аны башы болгъанын унутма.
- Ёлюк кебинсиз къалмаз.
- Билмезни кёзю кёрмез, этмезни къулагъы эшитмез.
- Душманны тышы – акъ, ичи – къара.
- Баш – акъыл ючюн, акъылман – халкъ ючюн.
- Тойгъан антын унутур.
- Ата джурт – алтын бешик.
- От этилмеген джерден тютюн чыкъмайды.
- Окъ къызбайны джокълайды.
- Ишлерге уял да, ашаргъа табма.
- Ашына кёре табагъы, балына кёре къалагъы.
- Намыс болмагъан джерде, насыб болмаз.
- Къыз келсе, джумуш эте келеди, къатын келсе, ушакъ эте келеди.
- Тюкюрюк баш джармаз, налат кёз чыгъармаз!
- Рысхысына кёре, джаш ёсер, къышлыгъына кёре, мал ёсер.
Ошибка!
Для просмотра темы введите ваши логин и пароль.Пожалуйста, авторизуйтесь: