- Джол бла сёзню къыйыры джокъ.
- Ата Джуртуму башы болмасам да, босагъасында ташы болайым.
- Аманны къуугъан, аманлыкъ табар.
- Джангыз торгъай джырламаз.
- Юй ишлеген балта эшикде къалыр.
- Тамырсыз терекге таянма – джыгъылырса.
- Тойгъан джерге джети къайт.
- Алтыда кюлмеген, алтмышда кюлмез.
- Эки къатын алгъанны къулагъы тынгнгаймаз.
- Ат да турмайды бир териде.
- Ач – эснер, ат – кишнер.
- Юйюнгден чыкъдынг – кюнюнгден чыкъдынг.
- Бек ашыкъгъан меннге джетсин, дегенди аракъы.
- Кёб джашагъан – кёб билир.
- Чыбыкълыкъда бюгюлмеген, къазыкълыкъда бюгюлмей эди.
- Эллинг бла джау болсанг да, юйюнг бла джау болма.
- Чыкълы кюнде чыкъмагъан, чыкъса къуру кирмеген.
- Аллахдан тилесенг, кёб тиле.
- Джюз элде джюз ёгюзюм болгъандан эсе, джюз джууугъум болсун.
- Ишни аллы бла къууанма да, арты бла къууан.
- Насыб бютеу халкъны юлюшюдю.
- Байдан умут эте, джарлыдан ёгюз багъасы къорады.
- Башланнган иш битер, къымылдагъан тиш тюшер.
- Хар ишни да аллы къыйынды.
- Термилгенинги табмазса, кюлгенинге тюберсе.
- Накъырданы арты керти болур.
- Джаш къарыу бла кючлю, къарт акъыл бла кючлю.
- Тыш элде солтан болгъандан эсе, кесинги элде олтан болгъан игиди!
- Кёб ант этген, кёб ётюрюк айтыр.
- Атынг аманнга чыкъгъандан эсе, джанынг тамагъынгдан чыкъсын.
- Къуру гыбыт бек дыгъырдар.
- Суугъа – чабакъ, къаягъа – ыргъакъ.
- Къарны аманнга къазан такъдырма, къолу аманнга от джакъдырма.
- Джуртун къоругъан озар.
- Эшекге миннген – биринчи айыб, андан джыгъылгъан – экинчи айыб.
- Бал ашаргъа сюе эсенг, чибин ургъаннга тёз.
- Бичгенде ашыкъма, тикгенде ашыкъ.
- Ёлюр джаннга, ёкюл джокъ.
- Малны кют, джерни тюрт.
- Ханы къызы буюгъа-буюгъа киштик болду.
- Шайтан алдады, тюзлюк къаргъады.
- Сууда джау джокъ, кёб сёзде магъана джокъ.
- Ёгюзню мюйюзюнден тутадыла, адамны сёзюнден тутадыла.
- Чакъырылмагъан къонакъ – орунсуз.
- Мал кёб болса, джууукъ кёб болур.
- Орну джокъну – сыйы джокъ.
- Къатыны харакетли болса, эри къымсыз болур.
- Ёксюзню тилеги къабыл болур.
- Кесинг сынамагъан затны, адамгъа буюрма.
- Аууз сакълагъан – джан сакълар.
Ошибка!
Для просмотра темы введите ваши логин и пароль.Пожалуйста, авторизуйтесь: