- Узун джолну барсанг, бюгюн келирсе, къысха джолну барсанг, тамбла келирсе.
- Окъумагъан сокъурду, сокъур ташха абыныр!
- Акъыл аздырмаз, билим тоздурмаз.
- Чыкълы кюнде чыкъмагъан, чыкъса къуру кирмеген.
- Бети – къучакълар, джюреги – бычакълар.
- Окъуусуз билим – джокъ, билимсиз кюнюнг – джокъ.
- Тюзлюк тас болмайды.
- Башсыз урчукъ тюзюне айланмаз.
- Къолу уллу – асыу, аягъы уллу – джарсыу.
- Махтаннган къыз, тойда джукълар.
- Джырына кёре эжиую.
- Гырджын – тепсини тамадасы.
- Баргъанынга кёре болур келгенинг.
- Къонакъ кёб келюучю юйню, къазаны отдан тюшмез.
- Юйлю уругъа ит чабмаз.
- Къазанда болса, чолпугъа чыгъар.
- Ашхы адам – халкъ байлыгъы, ашхы джер – джашау байлыгъы.
- Бек анасы джыламаз.
- Ётюрюкню къуйругъу – бир тутум.
- Тау башында, тау болмаз, джангыз терек, бау болмаз.
- Джарлыны эшигин махтагъан джабар.
- Эл ауузу – элия.
- Суу да къайтады чыкъгъан джерине.
- Бойнуму джети джерден кессенг да, мен ол ишни этеллик тюлме.
- Айтханы чапыракъдан ётмеген.
- Хар ишни да аллы къыйынды.
- Ёзденликни джайгъан – джокълукъ.
- Ашда – бёрю, ишде – ёлю.
- Ач къарынны, токъ билмез
- Айранын берсенг, челегин да къызгъанма.
- Арбаз къынгырды да, ийнек сауалмайма.
- Эки къатын алгъанны къулагъы тынгнгаймаз.
- Сакъалы текени да бар, мыйыгъы киштикни да бар.
- Джыйырма къойну юч джыйырма эбзе кюте эди.
- Эл ауузу – элек, анга ийнаннган – халек.
- Адеб джокъда, намыс джокъ.
- Сабыр джетер муратха, сабырсыз къалыр уятха.
- Ишин билген, аны сыйын чыгъарады.
- Хансыз джомакъ болмаз.
- Чомартха Тейри да борчлуду.
- Къошда джокъгъа – юлюш джокъ.
- Кёб джашагъан – кёб билир.
- Сыфатында болмагъаны, суратында болмаз.
- Къозулугъунда тоймагъан, къойлугъунда тоймаз.
- Телиге от эт десенг, юйюнге от салыр.
- Ана къолу ачытмаз.
- Суу ичген шауданынга тюкюрме.
- От этилмеген джерден тютюн чыкъмайды.
- Аман эсирсе, юйюн ояр.
- Экиндини кеч къылсанг, чабыб джетер ашхам.
Ошибка!
Для просмотра темы введите ваши логин и пароль.Пожалуйста, авторизуйтесь: