- Хар сёзню орну барды.
- Джиби бир къат джетмей эди да, эки къат тарта эди.
- Ойнай билмеген, уруб къачар.
- Суугъа – таянма, джаугъа – ийнанма.
- Къарны аманнга къазан такъдырма, къолу аманнга от джакъдырма.
- Билими азны – ауузунда кирит.
- Ашлыкъ – бюртюкден, джюн – тюкден.
- Эл бла кёргенинг эрелей.
- Кийимни бир кюнню аясанг, минг кюннге джарар.
- Къатын байлыкъны сюер, эр саулукъну сюер.
- Байлыкъ адамны сокъур этер.
- Тамырсыз терекге таянма – джыгъылырса.
- Хар ишни да аллы къыйынды.
- Къумурсхала джыйылсала, пилни да джыгъадыла.
- Тау башында, тау болмаз, джангыз терек, бау болмаз.
- Эрни эр этерик да, къара джер этерик да, тиширыуду.
- Бет бетге къараса, бет да джерге къарар.
- Ашаса, ашамаса да, бёрюню ауузу – къан.
- Экеу тутушса, биреу джыгъылыр.
- Башынга джетмегенни сорма.
- Чакъырылгъанны аты, чакъырылмагъанны багъасы болур.
- Тели турса – той бузар.
- Телини эшигин, махтау джабар.
- Рысхы джалгъанды: келген да этер, кетген да этер.
- Нарт сёз къарт болмаз.
- Къызын тута билмеген, тул этер, джашын тута билмеген, къул этер.
- Суугъа – чабакъ, къаягъа – ыргъакъ.
- Тойгъандан сора, ашны сёкме.
- Ата Джуртуму башы болмасам да, босагъасында ташы болайым.
- Эллинг бла джау болсанг да, юйюнг бла джау болма.
- Къаллай салам берсенг, аллай джууаб алырса.
- Тил бла келеди джыр да.
- Терек ауса, отунчу – кёб.
- Биреу ашаб къутулур, биреу джалаб тутулур.
- Чоюнну башы ачыкъ болса, итге уят керекди.
- Ачыкъ джюрекге джол – ачыкъ.
- Гугурук къычырмаса да, тангны атары къалмаз.
- Кесине гебен этелмеген, биреуге черен эте эди.
- Биреуге аманлыкъны тилеме да, кесинге ашхылыкъны тиле.
- Тёрде – темир таякълы, къаяда – чыпчыкъ аякълы.
- Эшекге миннген – биринчи айыб, андан джыгъылгъан – экинчи айыб.
- Ач уят къоймаз.
- Кёбден умут этиб, аздан къуру къалма.
- Къарнынг ауруса, ауузунгу тый
- Ёлюк кебинсиз къалмаз.
- Джарлыны эшигин махтагъан джабар.
- Эр абынмай, эл танымаз.
- Болджал ишни бёрю ашар.
- Джарлы эскисин джамаса, къууаныр.
- Аман адам элни бир-бирине джау этер.
Ошибка!
Для просмотра темы введите ваши логин и пароль.Пожалуйста, авторизуйтесь: