- Тенгинг джокъ эсе – изле, бар эсе – сакъла!
- Къызбайны юйюне дери сюрсенг, батыр болур.
- Кёл – къызбай, къол – батыр.
- Дуния малгъа сатылма, кесингден телиге къатылма.
- Башда акъыл болмаса, эки аякъгъа кюч джетер.
- Эм ашхы къайын ана мамукъ бла башынгы тешер.
- Эл бла кёргенинг эрелей.
- Къоркъакъны кёзю экили кёрюр.
- Мухарны эси – ашарыкъда.
- Бал чибинни ургъаны – ачы, балы – татлы.
- Келинни – келгинчи, бёркню кийгинчи кёр.
- Бозанг болмагъан джерге, къалагъынгы сукъма.
- Айтхан сёзюне табылгъан.
- Азыкъ аз болса, эртде орун сал.
- Кийим тукъум сордурур.
- Кийимни бир кюнню аясанг, минг кюннге джарар.
- Нафысынгы айтханын этме, намысынгы айтханын эт.
- Къарыусузгъа кюлме, онгсузгъа тийме.
- Бет бетге къараса, бет да джерге къарар.
- Урунуу – насыбны анасы.
- Шапа кёб болса, аш татымсыз болур.
- Байма, деб да, къууанма, джарлыма, деб да, джылама.
- Тойгъандан сора, ашны сёкме.
- Чарсда алчыны эл кёреди.
- Къалгъан ишге къар джауар.
- Ариу сёз джыланны орнундан чыгъарыр.
- Кимни – тили, тиши онглу, кимни – къолу, иши онглу.
- Уллу айтханны этмеген – уллаймаз.
- Къар – келтирди, суу – элтди.
- Ариу – кёзге, акъыл – джюрекге.
- Бюгюн дуния кибик, тамбла ахыратды.
- Къызны минг тилер, бир алыр.
- Акъылсызны джууукъгъа алма, акъыллыны кенгнге салма.
- Ач да бол, токъ да бол – намысынга бек бол.
- Мадар болса, къадар болур.
- Тойгъа алгъа да барма, тойда артха да къалма.
- Чомарт къонакъ юй иесин сыйлар.
- Орундукъ тюбюнде атылсам да, орта джиликме, де да айлан.
- Эли джокъну – кёлю джокъ.
- Чомартха хар кюн да байрамды.
- Тау башында, тау болмаз, джангыз терек, бау болмаз.
- Атадан ёксюз – бир ёксюз, анадан ёксюз – эки ёксюз.
- Ургъан суудан башынгы сакъла.
- Аман адамны тепсинге олтуртсанг, къызынгы тилер.
- Ишлегенден, къарагъан уста.
- Кёзден кетген, кёлден да кетеди.
- Ханы къызы буюгъа-буюгъа киштик болду.
- Айтылгъан буйрукъ, сёгюлмез
- Ётюрюкден тюбю джокъ, кёлтюрюрге джиби джокъ.
- Джылар джаш, атасыны сакъалы бла ойнар.
Ошибка!
Для просмотра темы введите ваши логин и пароль.Пожалуйста, авторизуйтесь: