- Чакъырылмагъан джерге барма, чакъырылгъан джерден къалма.
- Бозанг болмагъан джерге, къалагъынгы сукъма.
- Тёгюлген тюгел джыйылмайды.
- Ашхы сёз таш тешер.
- Ариу сёз – къылычдан джити.
- Кёлсюзден сёзсюз тууар.
- Ашатыргъа иш – ашхы, ишлетирге аш – ашхы.
- Сууда джау джокъ, кёб сёзде магъана джокъ.
- Ким бла джюрюсенг, аны кёзю бла кёрюнюрсе.
- Тили узунну, намысы – къысха.
- Чомарт къонакъ юй иесин сыйлар.
- Тойчу джашха къарама, къойчу джашха къара.
- Ётюрюкчюню шагъаты – къатында.
- Иги адам абынса да, джангылмаз.
- Олтуруб кёрюнмей эди да, ёрге туруб кёрюне эди.
- Джигер – джаннга къыйынлыкъ.
- Тас болгъан бычакъны сабы – алтын.
- Биреуге аманлыкъ этиб, кесинге игилик табмазса.
- Баланы адам этген анады.
- Элге къуллукъ этмеген, элге ие болмаз.
- Къан бла кирген, джан бла чыгъар.
- Хазыр ашха – терен къашыкъ.
- Кюл тюбюндеги от кёрюнмейди.
- Сёлеш деб шай берген, тохта деб, сом берген.
- Эрине къаргъыш этген къатын, эрнин къабар.
- Хантына кёре тузу, юйюне кёре къызы.
- Кёкдеги болмаса, джердегин кёрмейди.
- Орундукъ тюбюнде атылсам да, орта джиликме, де да айлан.
- Эки итни арасына сюек атма, эки адамны арасында сёз чыгъарма.
- Сормай – алма, чакъырылмай – барма.
- Аууздан келген, къолдан келсе, ким да патчах болур эди.
- Сабий кёргенин унутмаз.
- Тилчи тилден къаныкъмаз.
- Аман адам элни бир-бирине джау этер.
- Сыфатында болмагъаны, суратында болмаз.
- Урунуу – насыбны анасы.
- Аллахдан тилесенг, кёб тиле.
- Ач, тоймам, дейди, тойгъан, ач болмам, дейди.
- Тойгъан джерден туугъан джер игиди.
- Аджашхан тёгерек айланыр.
- Тойгъан антын унутур.
- Тюкюрюк баш джармаз, налат кёз чыгъармаз!
- Кёзден кетген, кёлден да кетеди.
- Кюн кёрмеген, кюн кёрсе, кюндюз чыракъ джандырыр.
- Ёнгкюч къууана барыр, джылай келир.
- Кёзюнде тереги болгъан, чёбю болгъаннга кюле эди.
- От этилмеген джерден тютюн чыкъмайды.
- Акъдан къара болмаз.
- Къайгъы тюбю – тенгиз.
- Байлыкъ тауусулур, билим тауусулмаз.
Ошибка!
Для просмотра темы введите ваши логин и пароль.Пожалуйста, авторизуйтесь: