- Чомарт къонакъ юй иесин сыйлар.
- Эки итни арасына сюек атма, эки адамны арасында сёз чыгъарма.
- Ашда – бёрю, ишде – ёлю.
- Башланнган иш битер, къымылдагъан тиш тюшер.
- Къыйынлы джети элни къайгъысын этер.
- Чёбню кёлтюрсенг, тюбюнден сёз чыгъар.
- Чакъырылгъанны аты, чакъырылмагъанны багъасы болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёзню ачылгъаны – иги, ауузну джабылгъаны – иги.
- Къызын тута билмеген, тул этер, джашын тута билмеген, къул этер.
- Ёлюк кебинсиз къалмаз.
- Кёл ашады да, кеси ашады.
- Къозулугъунда тоймагъан, къойлугъунда тоймаз.
- Эртде тургъан джылкъычыны эркек аты тай табар.
- Илму – джашауну джолу.
- Ариуну – ауруу кёб.
- Чабакъгъа акъыл, табагъа тюшсе келеди.
- Къумурсхала джыйылсала, пилни да джыгъадыла.
- Бетинги сатма, малынгы сат.
- Къарт айтханны этмеген, къартаймаз.
- Ёксюзню тилеги къабыл болур.
- Ургъан суудан башынгы сакъла.
- Ишге юренсин къоллары, халкъ бла болсун джоллары.
- Тау башында, тау болмаз, джангыз терек, бау болмаз.
- Кёб джат да, бек чаб.
- Биреуге аманлыкъ этиб, кесинге игилик табмазса.
- Къызгъанчдан ычхыныр, мухардан ычхынмаз.
- Тойгъандан сора, ашны сёкме.
- Джарлыны тону джаз битер.
- От этилмеген джерден тютюн чыкъмайды.
- Биреуню тёрюнден, кесинги эшик артынг игиди.
- Тик ёргени, тик энгишгеси да болады.
- Чомартха хар кюн да байрамды.
- Ёлмесенг да, къарт дамы болмазса?
- Эл бла кёргенинг эрелей.
- Нёгерсизни джолу узун.
- Керек ташны ауурлугъу джокъ.
- Джангыз терек къынгыр ёсер.
- Ана – юйню кюн джарыгъы.
- Къулакъдан эсе, кёзге ышан.
- Хата – гитчеден.
- Кюлме джашха – келир башха.
- Биреуню къыйынлыгъы бла кесинге джол ишлеме.
- Кийимни бир кюнню аясанг, минг кюннге джарар.
- Мал тутхан – май джалар.
- Биреуню эскиси биреуге джангы болмайды.
- Ишлегенден, къарагъан уста.
- Берекет берсин деген джерде, берекет болур.
- Билген билмегенни юретген адетди.
- Туз, гырджын аша, тюзлюк бла джаша.
Ошибка!
Для просмотра темы введите ваши логин и пароль.Пожалуйста, авторизуйтесь: