- Мен да «сен», дейме, сен да «кесим», дейсе.
- Эрине къаргъыш этген къатын, эрнин къабар.
- Адебсиз адам – джюгенсиз ат.
- Сакъламагъан затынга джолукъсанг, не бек къууанаса, не бек ачыйса.
- Ашына кёре табагъы, балына кёре къалагъы.
- Оюмсуз атлагъан, аджалсыз ёлюр.
- Кёз – сюйген джерде, къол – ауругъан джерде.
- Баланы адам этген анады.
- Айран тёгюлсе, джугъусу къалыр.
- Экеулен сёлеше тура эселе, орталарына барыб кирме.
- Тюзлюк тас болмайды.
- Сёз садакъдан кючлюдю.
- Эки ойлашыб, бир сёлешген.
- Къонакъ хазыр болгъанлыкъгъа, къонакъбай хазыр тюлдю.
- Окъугъан озар, окъумагъан тозар.
- Намысы болмагъанны, сыйы болмаз.
- Ёнгкюч къууана барыр, джылай келир.
- Баш – акъыл ючюн, акъылман – халкъ ючюн.
- Билим – акъылны чырагъы.
- Арпа, будай – ащды, алтын, кюмюш а – ташды.
- Тилчи бир сагъатха айлыкъ хата этер.
- Ашха уста, юйюнде болсун
- Таукел адам тау тешер.
- Эшекге миннген – биринчи айыб, андан джыгъылгъан – экинчи айыб.
- Эм ашхы къайын ана мамукъ бла башынгы тешер.
- Къарны аманнга къазан такъдырма, къолу аманнга от джакъдырма.
- Ёгюзню мюйюзюнден тутадыла, адамны сёзюнден тутадыла.
- Ашхы болсанг, атынг чыгъар, аман болсанг, джанынг чыгъар.
- Чомарт къолда мал къалмаз.
- Чомарт джарлы болмаз.
- Къыз келсе, джумуш эте келеди, къатын келсе, ушакъ эте келеди.
- Байлыкъ келсе, акъыл кетер.
- Билмезни кёзю кёрмез, этмезни къулагъы эшитмез.
- Юйюнгден чыкъдынг – кюнюнгден чыкъдынг.
- Сютден ауузу кюйген, суугъа юфгюре эди.
- Уруну арты – къуру.
- Миллетни бойну – базыкъ, аны бла кюрешген – джазыкъ.
- Джукъу тёшек сайламайды.
- Биреуге аманлыкъ этиб, кесинге игилик табмазса.
- Чомарт къонакъ юй иесин сыйлар.
- Чомарт бергенин айтмаз.
- Игини сыйлагъан адетди.
- Ишлерге уял да, ашаргъа табма.
- Киштикге къанат битсе, чыпчыкъ къалмаз эди.
- Абынмазлыкъ аякъ джокъ, джангылмазлыкъ джаякъ джокъ.
- Аман киши кеси юйюнде – къонакъ.
- Къар – келтирди, суу – элтди.
- Тойгъа барсанг, тоюб бар, эски тонунгу къоюб бар.
- Хазыр ашха – терен къашыкъ.
- Керти сёзге тёре джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: