- Ауругъаннга – кийик саулукъ, джетген къызгъа – чилле джаулукъ.
- Къыз чыгъаргъан – къызыл къымжа.
- Уруну арты – къуру.
- Тойгъанлыкъ къойгъа джарашады.
- Билген билмегенни юретген адетди.
- Болджал ишни бёрю ашар.
- Джаралыны джастыгъында сау ёлюр.
- Къоркъакъны кёзю экили кёрюр.
- Тин – байлыгъынг, терен саулугъунг.
- Эки элинги тыйсанг, джети элде махталырса.
- Ышармагъан – кюлмез, кюлмеген – къууанчны билмез.
- Ата Джуртча джер болмаз, туугъан элча эл болмаз.
- Тиширыусуз юй – отсуз от джагъа.
- Тилчиден кери бол.
- Ашда – бёрю, ишде – ёлю.
- Аман къатын сабий табса, бий болур…
- Нарт сёз къарт болмаз.
- Аманны эки битли тону болур, бирин сеннге кийдирир, бирин кеси киер.
- Булут кёкге джарашыу, уят бетге джарашыу.
- Байлыкъ келсе, акъыл кетер.
- Татлы сёз – балдан татлы.
- Тилчи тилден къаныкъмаз.
- Джарашыу сюйген – джалынчакъ.
- Айтылгъан буйрукъ, сёгюлмез
- Суу ичген шауданынга тюкюрме.
- Эки къатын алгъан – эки ташны ортасына башын салгъан.
- Акъыл аздырмаз, билим тоздурмаз.
- Халкъгъа джарагъан, джарлы къалмаз.
- Къыйынлы джети элни къайгъысын этер.
- Билмегенинги, билгеннге сор.
- Акъыл сабырлыкъ берир.
- Тенгинг джокъ эсе – изле, бар эсе – сакъла!
- Кёб джат да, бек чаб.
- Татлы тилде – сёз ариу, чемер къолда – иш ариу.
- Джеринден айырылгъан – джети джылар, джуртундан айырылгъан – ёлгюнчю джылар.
- Кийим тукъум сордурур.
- Башы ишлегенни, ауузу да ишлер.
- Тойгъа алгъа да барма, тойда артха да къалма.
- Къартны бурнун сюрт да, оноугъа тут.
- Итли къонакъ джарашмаз.
- Къатын байлыкъны сюер, эр саулукъну сюер.
- Ауузу бла къуш тута айланады.
- Бети къызарыучу адамны, джюреги харам болмаз.
- Тёрде – темир таякълы, къаяда – чыпчыкъ аякълы.
- Чыкълы кюнде чыкъмагъан, чыкъса къуру кирмеген.
- Атынг аманнга чыкъгъандан эсе, джанынг тамагъынгдан чыкъсын.
- Гитче джилтин уллу элни джандырыр.
- Джерни букъусу кёкге къонмаз.
- Айранны сюйген, ийнек тутар.
- Чакъырылгъанны аты, чакъырылмагъанны багъасы болур.
Ошибка!
Для просмотра темы введите ваши логин и пароль.Пожалуйста, авторизуйтесь: