- От этилмеген джерден тютюн чыкъмайды.
- Тюзлюк тас болмайды.
- Кюлме джашха – келир башха.
- Ариу джол аджал келтирмез.
- Ата Джуртун танымагъан, атасын да танымаз.
- Аз сёлеш, кёб ишле.
- Адамны адамлыгъы къыйынлыкъда айгъакъланады.
- Тынгылагъан тынгы бузар.
- Хунаны тюбюн къазсанг, юсюнге ауар.
- Халкъны юйю – туугъан джери.
- Алтыда кюлмеген, алтмышда кюлмез.
- Ач отунчуну ачыуу – бурнунда.
- Мал тутхан – май джалар.
- Термилгенинги табмазса, кюлгенинге тюберсе.
- Эрни эр этерик да, къара джер этерик да, тиширыуду.
- Джангызны оту джарыкъ джанмаз!
- Зарда марда джокъ.
- Тёзген – тёш ашар!
- Ана кёлю – балада, бала кёлю – талада.
- Башда акъыл болмаса, эки аякъгъа кюч джетер.
- Джыгъылгъанны сырты джерден тоймаз.
- Юреннген ауруу къалмаз.
- Туз, гырджын аша, тюзлюк бла джаша.
- Байлыкъ келсе, акъыл кетер.
- Юре билмеген ит, къонакъ келтирир.
- Тойгъандан сора, ашны сёкме.
- Эл элде бирер малынг болгъандан эсе, бирер тенгинг болсун.
- Биреуню тёрюнден, кесинги эшик артынг игиди.
- Этни да ашады, бетни да ашады.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ётюрюк хапар аякъ тюбю бла джюрюйдю.
- Кёпюр салгъан кеси ётер, уру къазгъан кеси кетер.
- Эшекге миннген – биринчи айыб, андан джыгъылгъан – экинчи айыб.
- Тюкюрюк баш джармаз, налат кёз чыгъармаз!
- Этни бети бла шорпасы.
- Ач уят къоймаз.
- Кёлсюзден сёзсюз тууар.
- Джыйырма къойну юч джыйырма эбзе кюте эди.
- Къобан да къуру да къобханлай турмайды, адам да къуру да патчахлай турмайды.
- Джырчы ёлсе, джыры къалыр.
- Къарын къуру болса, джюрек уру болур.
- Аз сёлешген, къайгъысыз турур.
- Мухар, кеси тойса да, кёзю тоймаз.
- Кесине гебен этелмеген, биреуге черен эте эди.
- Бети къызарыучу адамны, джюреги харам болмаз.
- Джерни букъусу кёкге къонмаз.
- Биреуге аманлыкъ этиб, кесинге игилик табмазса.
- Ариу сёз – джаннга азыкъ, аман сёз – башха къазыкъ.
- Эринчекге кюн узун.
- Адам къаллай бир ишленмесе, аллай бир кесин уллу кёреди.
Ошибка!
Для просмотра темы введите ваши логин и пароль.Пожалуйста, авторизуйтесь: