- Хансыз джомакъ болмаз.
- Кёзюнде тереги болгъан, чёбю болгъаннга кюле эди.
- Акъыл аздырмаз, билим тоздурмаз.
- Сютден ауузу кюйген, суугъа юфгюре эди.
- Тынгылагъан тынгы бузар.
- Эркишини аманы тиширыуну джылатыр.
- Билеги кючлю, бирни джыгъар, билими кючлю, мингни джыгъар.
- Тюкюрюк баш джармаз, налат кёз чыгъармаз!
- Аман къатын сабий табса, бий болур…
- Ариу – кёзге, акъыл – джюрекге.
- Байлыкъ келсе, акъыл кетер.
- Билген билмегенни юретген адетди.
- Джашда акъыл джокъ, къартда къарыу джокъ.
- Сёз садакъдан кючлюдю.
- Тойну къарнашы – харс, джырны къарнашы – эжиу.
- Кийим тукъум сордурур.
- Агъач – джерни чырайы, кийим – эрни чырайы.
- Кийимни бичсенг, кенг бич, тар этген къыйын тюлдю.
- Джолунга кёре – джюрюшюнг, джагъанга кёре – юлюшюнг.
- Эри аманны, къатыны – аман.
- Чабакъ башындан чирийди.
- Шайтан алдады, тюзлюк къаргъады.
- Ариу джол аджал келтирмез.
- Иесиз малны бёрю ашар.
- Билим къая тешер.
- Ашлыкъны арба юйге келтирир, чана базаргъа элтир.
- Садакъачыны джаны – къапчыгъында.
- Алтыннга тот къонмаз.
- Бети къызарыучу адамны, джюреги харам болмаз.
- Ауузу аманнга «иги», деме.
- Иги адам абынса да, джангылмаз.
- Сакъламагъан затынга джолукъсанг, не бек къууанаса, не бек ачыйса.
- Аджал соруб келмез, келсе, къайтыб кетмез.
- Джумушакъ сёз къаты таякъны сындырыр.
- Иги болса, тамадама – махтау, аман болса, меннге – айыб.
- Кечеси – аяз, кюню – къыш, джарлы къаргъагъа бир аш тюш!
- Ашхы адам – халкъ байлыгъы, ашхы джер – джашау байлыгъы.
- Кёлсюзден сёзсюз тууар.
- Эл элде бирер малынг болгъандан эсе, бирер тенгинг болсун.
- Болджал ишни бёрю ашар.
- Чомарт къолда мал къалмаз.
- Къонакъ кёб келюучю юйню, къазаны отдан тюшмез.
- Къонакъ аз олтурур, кёб сынар.
- Ашыкъгъан cуу, тенгизге джетмез.
- Юй ишлеген балта эшикде къалыр.
- Танг атмайма десе да, кюн къоярыкъ тюйюлдю.
- Ётюрюкню башын керти кесер.
- Адамны сабийин сюйген джюреги, бычакъча, джитиди.
- Сыфатында болмагъаны, суратында болмаз.
- Айтхан сёзюне табылгъан.
Ошибка!
Для просмотра темы введите ваши логин и пароль.Пожалуйста, авторизуйтесь: