- Байлыкъ тауусулур, билим тауусулмаз.
- Ана – юйню кюн джарыгъы.
- Тели турса – той бузар.
- Ачны эсинде – аш.
- Джеринден айырылгъан – джети джылар, джуртундан айырылгъан – ёлгюнчю джылар.
- Босагъагъа джууукъ орун болса, ашыгъыб тёрге озма.
- Иги адамны бир сёзю эки болмаз.
- Эли джокъну – кёлю джокъ.
- Келгинчи, къонакъ уялыр, келгенден сора, къонакъбай уялыр.
- Аш берме да, къаш бер.
- Эшекни не къадар тюйсенг да, ат болмаз.
- Сабыр джетер муратха, сабырсыз къалыр уятха.
- Игилик игилик бла сингдирилиучю затды.
- Айтхан сёзюне табылгъан.
- Ёлген ийнек сютлю болур.
- Ач да бол, токъ да бол – намысынга бек бол.
- Къарны аманнга къазан такъдырма, къолу аманнга от джакъдырма.
- Байны къызы баймакъ болса да, юйде къалмаз!
- Ашда уялгъан – мухар, ишде уялгъан – хомух.
- Хунаны тюбюн къазсанг, юсюнге ауар.
- Къарнынг бла ёч алма.
- Мен да «сен», дейме, сен да «кесим», дейсе.
- Джаным-тиним – окъуу, билим.
- Аджал соруб келмез, келсе, къайтыб кетмез.
- Къонакъ аз олтурур, кёб сынар.
- Джигер – джаннга къыйынлыкъ.
- Джети тилни билген джети кишиди.
- Тил джюрекге джол ишлейди.
- Джаханимни кёрмей, джандетге кёл салмазса.
- Сангырау къулакъ эл бузар.
- Таукелге нюр джауар.
- Дженгил джетерикме деб, узун джолну къоюб, къысхасын барма.
- Айранын берсенг, челегин да къызгъанма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Окъуусуз билим – джокъ, билимсиз кюнюнг – джокъ.
- Кесине гебен этелмеген, биреуге черен эте эди.
- «Ёгюз, джаргъа джууукъ барма, меннге джюк боллукъса», - дегенди эшек.
- Чабар ат – джетген къыз.
- Тиширыусуз юй – отсуз от джагъа.
- Чыкълы кюнде чыкъмагъан, чыкъса къуру кирмеген.
- Иги – алгъыш этер, аман – къаргъыш этер.
- Алим болгъандан эсе, адам болгъан къыйынды.
- Мухарны эси – ашарыкъда.
- Джашда акъыл джокъ, къартда къарыу джокъ.
- Адам туугъан джеринде, ит тойгъан джеринде.
- Акъылсызны джууукъгъа алма, акъыллыны кенгнге салма.
- Ауругъанны сау билмез, ач къарынны токъ билмез.
- Адеб базарда сатылмаз.
- Алтыннга тот къонмаз.
- Тамбла алтындан бюгюн багъыр ашхы.
Ошибка!
Для просмотра темы введите ваши логин и пароль.Пожалуйста, авторизуйтесь: