- Джашны джигитлиги сорулур, къызны джигерлиги сорулур.
- Къуру гыбыт бек дыгъырдар.
- Татлы сёз – балдан татлы.
- Ашхы атаны – джашы ашхы, ашхы ананы – къызы ашхы.
- Къолунгдан къуймакъ ашатсанг да, атаны борчундан къутулмазса.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Биреуге кёлтюрген таягъынг, кесинги башынга урур.
- Эринчекни эр алмаз, эр алса да, кёл салмаз, кёл салса да, кёб бармаз!
- Урунуу – насыбны анасы.
- Ичимден чыкъды хата, къайры барайым сата?
- Нёгерсизни джолу узун.
- Таш бла ургъанны, аш бла ур.
- Аманны эки битли тону болур, бирин сеннге кийдирир, бирин кеси киер.
- Эрине къаргъыш этген къатын, эрнин къабар.
- Ишин билген, аны сыйын чыгъарады.
- Ётген ёмюр – акъгъан суу.
- Айтхан сёзюне табылгъан.
- Эли джокъну – кёлю джокъ.
- Къарнынг тойгъунчу аша да, белинг талгъынчы ишле.
- Сакъламагъан затынга джолукъсанг, не бек къууанаса, не бек ачыйса.
- Къолу уллу – асыу, аягъы уллу – джарсыу.
- Бозанг болмагъан джерге, къалагъынгы сукъма.
- Хунаны тюбюн къазсанг, юсюнге ауар.
- Адамны артындан къара сабан сюрме.
- От кюйдюрген, сау болса да, тот кюйдюрген, сау болмаз.
- Тёрдеги кюлсе, эшикдеги ышарыр.
- Кёл – къызбай, къол – батыр.
- Бек анасы джыламаз.
- Термилгенинги табмазса, кюлгенинге тюберсе.
- Атынг аманнга чыкъгъандан эсе, джанынг тамагъынгдан чыкъсын.
- Сёлеш деб шай берген, тохта деб, сом берген.
- Эр сокъур болсун, къатын тилсиз болсун.
- Кюн – узун, ёмюр – къысха.
- Нарт сёз къарт болмаз.
- Уруну арты – къуру.
- Акъдан къара болмаз.
- Сёз сёзню айтдырыр.
- Кесинг сынамагъан затны, адамгъа буюрма.
- Ач бёрюге мекям джокъ.
- Эл элде бирер малынг болгъандан эсе, бирер тенгинг болсун.
- Джашлыкъ этмеген, башлыкъ этмез.
- Къыз тиширыу кеси юйюнде да къонакъды.
- Башы джабылгъан челекге, кир тюшмез.
- Ашхы тенг джолгъа салыр, аман тенг джолдан тайдырыр.
- Ётюрюкню къуйругъу – бир тутум.
- Байлыкъ келсе, акъыл кетер.
- Адебсиз адам – джюгенсиз ат.
- Сескекли кесин билдирир.
- Ойнаб айтсанг да, эслеб айт.
- Къайгъыны сюйген, къайгъы табар.
Ошибка!
Для просмотра темы введите ваши логин и пароль.Пожалуйста, авторизуйтесь: