- Билими азны – ауузунда кирит.
- Сыфатында болмагъаны, суратында болмаз.
- Алгъанда – джууукъ, бергенде – джау.
- Чомартха хар кюн да байрамды.
- Бир онгсуз адам адет чыгъарды, деб эштирик тюлсе.
- Арбаз сайлама да, хоншу сайла.
- Иги адамны бир сёзю эки болмаз.
- Кеси юйюмде мен да ханма.
- Аш иеси бла татлыды.
- Ана – юйню кюн джарыгъы.
- Тура эдим джата, къайдан чыкъды хата?
- Азыгъы аз, алгъа къабар, аты аман, алгъа чабар.
- Бети бедерден, намыс сакълама.
- Сабийликде юретмесенг, уллу болса – тюзелмез.
- Ашатыргъа иш – ашхы, ишлетирге аш – ашхы.
- Болджал ишни бёрю ашар.
- Къарнынг ауруса, ауузунгу тый
- Адамны бетине къарама, адетине къара.
- Бети къызарыучу адамны, джюреги харам болмаз.
- Ашхылыкъ джерде джатмайды, аманлыкъ суугъа батмайды.
- Эл ауузу – элия.
- Байма, деб да, къууанма, джарлыма, деб да, джылама.
- Сакъламагъан затынга джолукъсанг, не бек къууанаса, не бек ачыйса.
- Ачны эсинде – аш.
- Олтуруб кёрюнмей эди да, ёрге туруб кёрюне эди.
- Джахил болса анасы, не билликди баласы?
- Мураты болгъанны джюрек тебюую башхады.
- Кесине гебен этелмеген, биреуге черен эте эди.
- Юй ишлеген балта эшикде къалыр.
- Аманны эки битли тону болур, бирин сеннге кийдирир, бирин кеси киер.
- Гырджын – тепсини тамадасы.
- Эр абынмай, эл танымаз.
- Джумушакъ сёз къаты таякъны сындырыр.
- Къуллукъчума, деб махтанма, къуллукъ – хаух джамчыды!
- Биреуге кёлтюрген таягъынг, кесинги башынга урур.
- Ариу – кёзге, акъыл – джюрекге.
- Рысхы – сют юсюнде кёмюк кибикди.
- Иги сёз – джаннга азыкъ, аман сёз башха – къазыкъ.
- Кёбню кёрген – кёб билир.
- Бетинги сатма, малынгы сат.
- Башы джабылгъан челекге, кир тюшмез.
- Сакъ юйюне сау барыр.
- Узун джолну барсанг, бюгюн келирсе, къысха джолну барсанг, тамбла келирсе.
- Иши джокъну, сыйы джокъ.
- Байлыкъ адамны сокъур этер.
- Биреуню къыйынлыгъы бла кесинге джол ишлеме.
- Юйюнгден чыкъдынг – кюнюнгден чыкъдынг.
- Аш хазыр болса, иш харам болур.
- Джюз элде джюз ёгюзюм болгъандан эсе, джюз джууугъум болсун.
- Тюзлюк шохлукъну бегитир.
Ошибка!
Для просмотра темы введите ваши логин и пароль.Пожалуйста, авторизуйтесь: