- Сибиртки да сыйлы болду, кюрек да кюнлю болду.
- Нёгер болсанг, тенг бол, тенг болмасанг, кенг бол.
- Ёлген аслан – сау чычхан.
- Къая джолда джортма, ачыкъ сёзден къоркъма.
- Термилгенинги табмазса, кюлгенинге тюберсе.
- Ашаса, ашамаса да, бёрюню ауузу – къан.
- Аман адам этегингден тутса, кес да къач.
- Ашлыкъны арба юйге келтирир, чана базаргъа элтир.
- Ауузу бла къуш тута айланады.
- Тилчиден кери бол.
- Ишленмеген джаш – джюгенсиз ат, ишленмеген къыз – тузсуз хант.
- Чыкълы кюнде чыкъмагъан, чыкъса къуру кирмеген.
- Иги сёз – джаннга азыкъ, аман сёз башха – къазыкъ.
- Кёзю сокъурдан – къоркъма, кёлю сокъурдан – къоркъ.
- Татлы сёз – балдан татлы.
- Джарлыны тону джаз битер.
- Рысхы джалгъанды: келген да этер, кетген да этер.
- Бозанг болмагъан джерге, къалагъынгы сукъма.
- Джашлыкъ этмеген, башлыкъ этмез.
- Абынмазлыкъ аякъ джокъ, джангылмазлыкъ джаякъ джокъ.
- Сабий кёргенин унутмаз.
- Окъугъан – асыу, окъумагъан – джарсыу.
- Мал ёлсе, сюек къалыр, адам ёлсе, иши къалыр.
- Гугук кесини атын айтыб къычыргъанча, мен, мен деб нек тураса?
- Эрни эр этерик да, къара джер этерик да, тиширыуду.
- Аллахдан тилесенг, кёб тиле.
- Ачлыкъ отха секиртир.
- Биреуню эскиси биреуге джангы болмайды.
- Ат да турмайды бир териде.
- Тюзлюк тас болмайды.
- Юйюнг бла джау болгъандан эсе, элинг бла джау бол.
- Этни да ашады, бетни да ашады.
- Кийимни бичсенг, кенг бич, тар этген къыйын тюлдю.
- Ата Джуртун танымагъан, атасын да танымаз.
- Акъыллы айтыр эди, акъылсыз къоймайды.
- Къарнынг тойгъунчу аша да, белинг талгъынчы ишле.
- Аман адам элни бир-бирине джау этер.
- Сёз сёзню айтдырыр.
- Тилсиз миллет джокъ болур.
- Джырчы ёлсе, джыры къалыр.
- Аякъларынгы джууургъанынга кёре узат.
- Билимли ёлмез, билимсиз кёрмез.
- Джылыгъа джылан илешир.
- Ариуну – ауруу кёб.
- Ашда – бёрю, ишде – ёлю.
- Узун джолну барсанг, бюгюн келирсе, къысха джолну барсанг, тамбла келирсе.
- Билим – акъылны чырагъы.
- Къызбайны юйюне дери сюрсенг, батыр болур.
- Тойгъа алгъа да барма, тойда артха да къалма.
- Джерни букъусу кёкге къонмаз.
Ошибка!
Для просмотра темы введите ваши логин и пароль.Пожалуйста, авторизуйтесь: