- Ишни ахырын ойламай, аллын башлама.
- Джети тилни билген джети кишиди.
- Эринчекни эр алмаз, эр алса да, кёл салмаз, кёл салса да, кёб бармаз!
- Урама да – ёледи, сатама да – келеди.
- Гугурук къычырмаса да, тангны атары къалмаз.
- Мухардан ач ычхынмаз.
- Иши джокъну, сыйы джокъ.
- Ойнаб айтсанг да, эслеб айт.
- Этек чакъмакълары баш джаргъан, сёлешген сёзлери таш джаргъан.
- Иги – алгъыш этер, аман – къаргъыш этер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Окъдан джара эртде-кеч болса да бителир, сёз джара, ёмюрге къалыр.
- Ким бла джюрюсенг, аны кёзю бла кёрюнюрсе.
- Джангыз торгъай джырламаз.
- Ашхы сёз таш тешер.
- Этим кетсе да, сюегим къалыр.
- Садакъачыны джаны – къапчыгъында.
- Аманнга алтын чыдамаз.
- Чомартха хар кюн да байрамды.
- Чакъырылмагъан къонакъ – орунсуз.
- Джылкъыдан – ат чыгъар, тукъумдан – джаш чыгъар.
- Хоншуну тауугъу къаз кёрюнюр, келини къыз кёрюнюр.
- Ургъан суудан башынгы сакъла.
- Таш ата билмеген, башына урур.
- Суугъа – таянма, джаугъа – ийнанма.
- Айыбны суу бла джууалмазса.
- Кёл – къызбай, къол – батыр.
- Эки ойлашыб, бир сёлешген.
- Билеги кючлю, бирни джыгъар, билими кючлю, мингни джыгъар.
- Къошда джокъгъа – юлюш джокъ.
- Эки къатын алгъанны къулагъы тынгнгаймаз.
- Ат да турмайды бир териде.
- Аман адам элни бир-бирине джау этер.
- Джол бла сёзню къыйыры джокъ.
- Акъыллы – эл иеси, тели – эл баласы.
- Онгсузну – джакъла, тенгликни – сакъла.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ач къалгъандан, кеч къалгъан къолай.
- Бозаны арты дауур болур.
- Адебни адебсизден юрен.
- Экеулен сёлеше тура эселе, орталарына барыб кирме.
- Тюзлюк тас болмайды.
- Кёз – сюйген джерде, къол – ауругъан джерде.
- Соргъан айыб тюлдю, билмеген айыбды.
- Ата Джуртуму башы болмасам да, босагъасында ташы болайым.
- Атадан ёксюз – бир ёксюз, анадан ёксюз – эки ёксюз.
- Окъуусуз билим – джокъ, билимсиз кюнюнг – джокъ.
- Дженгил джетерикме деб, узун джолну къоюб, къысхасын барма.
- Тюзлюк шохлукъну бегитир.
- Джаралыны джастыгъында сау ёлюр.
Ошибка!
Для просмотра темы введите ваши логин и пароль.Пожалуйста, авторизуйтесь: