- Ата Джуртуму башы болмасам да, босагъасында ташы болайым.
- Джашда акъыл джокъ, къартда къарыу джокъ.
- Мал кёб болса, джууукъ кёб болур.
- Кёпюр салгъан кеси ётер, уру къазгъан кеси кетер.
- Ач бёрюге мекям джокъ.
- Ишин билген, аны сыйын чыгъарады.
- Чомарт джарлы болмаз.
- Джумушакъ терекни къурт ашар.
- Ашха уста, юйюнде болсун
- Аджаллыгъа окъсуз шкок атылыр.
- Босагъагъа джууукъ орун болса, ашыгъыб тёрге озма.
- Чомартны къолу берекет.
- Тыш элде солтан болгъандан эсе, кесинги элде олтан болгъан игиди!
- Джарлыны тону джаз битер.
- Къарнынг ауруса, ауузунгу тый
- Ёгюзню мюйюзюнден тутадыла, адамны сёзюнден тутадыла.
- Ётюрюкню къуйругъу – бир тутум.
- Эр сокъур болсун, къатын тилсиз болсун.
- Суу да къайтады чыкъгъан джерине.
- Уллу сёзде уят джокъ.
- Къууут – джелге, берне – бошха.
- Хазыр ашха – терен къашыкъ.
- Бети бедерден, намыс сакълама.
- Уллу сёлешме да, уллу къаб.
- Адам сёзге тынгыла, акъыл сёзню ангыла.
- Къаллай салам берсенг, аллай джууаб алырса.
- Кёбню кёрген – кёб билир.
- Къонакъны къачан кетерин сорма, къачан келлигин сор.
- Чыбыкълыкъда бюгюлмеген, къазыкълыкъда бюгюлмей эди.
- Атлыны кёрсе, джаяуну буту талыр.
- Ёгюзню мюйюзлери ауурлукъ этмейдиле.
- Ариу сёз – къылычдан джити.
- Къумурсхала джыйылсала, пилни да джыгъадыла.
- Аман къатын алгъан, арыр, иги къатын алгъан джарыр.
- Тил – миллетни джаны.
- Келинин тута билмеген, къул этер, къызын тута билмеген, тул этер.
- Кёзю сокъурдан – къоркъма, кёлю сокъурдан – къоркъ.
- Эли джокъну – кёлю джокъ.
- Байлыкъ болгъан джерде, тынчлыкъ джокъду.
- Чабакъсыз кёлге къармакъ салгъанлыкъгъа, чабакъ тутмазса.
- Аджал соруб келмез, келсе, къайтыб кетмез.
- Ачыу алгъа келсе, акъыл артха къалады.
- Адамны адамлыгъы къыйынлыкъда айгъакъланады.
- Этни бети бла шорпасы.
- Ауузу аманнга «иги», деме.
- «Ёгюз, джаргъа джууукъ барма, меннге джюк боллукъса», - дегенди эшек.
- Экеулен сёлеше тура эселе, орталарына барыб кирме.
- Тёзгеннге, джабылгъан эшик ачылыр.
- Тюзлюк тас болмайды.
- Бойнуму джети джерден кессенг да, мен ол ишни этеллик тюлме.
Ошибка!
Для просмотра темы введите ваши логин и пароль.Пожалуйста, авторизуйтесь: