- Ата Джуртуму башы болмасам да, босагъасында ташы болайым.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эл ауузу – элек, анга ийнаннган – халек.
- Ишлемеген – тишлемез.
- Къошда джокъгъа – юлюш джокъ.
- Биреуню тёрюнден, кесинги эшик артынг игиди.
- Игиге айтсанг – билир, аманнга айтсанг – кюлюр.
- Ачлыкъ отха секиртир.
- Къанны къан бла джуума, аманны аман бла къуума.
- Адам туугъан джеринде, ит тойгъан джеринде.
- Сибиртки да сыйлы болду, кюрек да кюнлю болду.
- Ойнай билмеген, уруб къачар.
- Джолда аягъынга сакъ бол, ушакъда тилинге сакъ бол.
- Джумушакъ сёз къаты таякъны сындырыр.
- Келинин тута билмеген, къул этер, къызын тута билмеген, тул этер.
- Босагъагъа джууукъ орун болса, ашыгъыб тёрге озма.
- Эте билген, этген этеди, эте билмеген, юретген этеди!
- Телиге акъыл салгъандан эсе, ёлгеннге джан салырса.
- Кёлсюзден сёзсюз тууар.
- Урунуу – насыбны анасы.
- Аллахдан тилесенг, кёб тиле.
- Джырчы ёлсе, джыры къалыр.
- Юй кюйдю да, кюйюз чыкъды, ортасындан тюйюш чыкъды.
- Къарт бла баш аша, джаш бла аякъ аша.
- Ашха уста, юйюнде болсун
- Ачыу алгъа келсе, акъыл артха къалады.
- Ишлерге уял да, ашаргъа табма.
- Къыйынлы джети элге оноу этер.
- Къыз тиширыу кеси юйюнде да къонакъды.
- Кесине оноу эте билмеген, халкъына да эте билмез.
- Чабакъ башындан чирийди.
- Мураты болгъанны джюрек тебюую башхады.
- Арпа, будай – ащды, алтын, кюмюш а – ташды.
- Алма терегинден кери кетмез.
- Аман киши кеси юйюнде – къонакъ.
- Кёб къычыргъандан – къоркъма, тынч олтургъандан – къоркъ.
- Ётюрюкню къуйругъу – бир тутум.
- Бал ашаргъа сюе эсенг, чибин ургъаннга тёз.
- Чакъырылмагъан къонакъ къачан кетерин сормаз.
- Бал чибинни ургъаны – ачы, балы – татлы.
- Ариу сёз джыланны орнундан чыгъарыр.
- Сабий кёргенин унутмаз.
- Гугурук къычырмаса да, тангны атары къалмаз.
- Сёлеш деб шай берген, тохта деб, сом берген.
- Къарыусузгъа кюлме, онгсузгъа тийме.
- Ётген ёмюр – акъгъан суу.
- Джогъун бар этген, барын бал этген.
- Ишленмеклик адамлыкъды.
- Джарлыны тону джаз битер.
- Бал – татлы, балдан да бала – татлы.
Ошибка!
Для просмотра темы введите ваши логин и пароль.Пожалуйста, авторизуйтесь: